ရှမ်းပြည်နယ် ဥပဒေချုပ် ဦးတင်ဦးကို စစ်ကောင်စီက ပြည်နယ်ဥပဒေချုပ်အဖြစ် ဆက်လက်တာဝန် ပေးအပ်ခဲ့ကြောင်း သိရသည်။
.
" ကျွန်တော့်ကိုပဲ ပြန်ပြီး တာဝန်ပေးထားတာကို တွေ့ရပါတယ်။ ကျွန်တော်တို့ကတော့ မည်သည့် အဖွဲ့အစည်းပဲ ဆိုစေကာမူ ဥပဒေစကားပဲ ပြောခဲ့ရတဲ့အတွက်ကြောင့် ဥပဒေအတိုင်းပဲ အလုပ် တာဝန် ထမ်းဆောင်ရမှာပေါ့။ ဥပဒေနဲ့ အညီ တာဝန်ပဲ ထမ်းဆောင်ပေးအပ်မှာပါ။"ဟု ဦးတင်ဦးက ကမ္ဘောဇတိုင်းသို့ ပြောသည်။
.
အာဏာသိမ်း စစ်ကောင်စီမှ မတ်လ ၄ ရက် ရက်စွဲဖြင့် တိုင်းဒေသကြီး/ပြည်နယ် ဥပဒေချုပ်များ ခန့်အပ် တာဝန်ပေးအပ်ကြောင်း ယနေ့တွင် ထုတ်ပြန်ခဲ့ရာ ဦးတင်ဦးလည်း ပါဝင်လာခြင်း ဖြစ်သည်။
.
ဦးတင်ဦးသည် လက်ရှိ ဒုတိယအကြိမ် ရှမ်းပြည်နယ်အစိုးရအဖွဲ့တွင် ဥပဒေချုပ်အဖြစ် တာဝန်ထမ်းဆောင်နေသူ ဖြစ်ကာ ယခင်က တောင်ကြီးခရိုင် ရွေးကောက်ပွဲကော်မရှင် ဥက္ကဌအဖြစ် တာဝန်ယူခဲ့ဖူးသူလည်း ဖြစ်သည်။
