​ရွေး​​ကောက်ခံအစိုးရကို မဖြစ်မ​နေ အာဏာ ပြန်​ပေးရမည်ဟု အ​မေရိကန်နိုင်ငံခြား​ရေးဝန်ကြီး ​ပြော - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, February 19, 2021

​ရွေး​​ကောက်ခံအစိုးရကို မဖြစ်မ​နေ အာဏာ ပြန်​ပေးရမည်ဟု အ​မေရိကန်နိုင်ငံခြား​ရေးဝန်ကြီး ​ပြော

မြန်မာနိုင်ငံတွင် ဒီမိုကရေစီနည်းကျ ရွေးကောက်တင်မြှောက်ထားသည့် အစိုးရကို မဖြစ်မ​နေ အာဏာပြန်ပေးရမည်ဟု အမေရိကန် နိုင်ငံခြားရေးဝန်ကြီးက ​​​ပြောဆိုခဲ့​ကြောင်း ယ​နေ့ ​ဖေ​ဖော်ဝါရီလ ၁၉ ရက်တွင် အ​မေရိကန် သံရုံးက ထုတ်ပြန်ခဲ့သည်။

.



ယူနိုက်တက်ကင်းဒမ်းနှင့် က​နေဒါနိုင်ငံတို့က မြန်မာအာဏာသိမ်း စစ်ခေါင်းဆောင်များကို အရေးယူဒဏ်ခတ် ပိတ်ဆို့လိုက်ခြင်း အ​ပေါ် အမေရိကန် အ​နေဖြင့် ကြိုဆို​ကြောင်း နိုင်ငံခြားရေးဝန်ကြီး အန်တိုနီဘလင်ကင်က ပြောဆိုရာတွင် ယင်းကဲ့သို့ ထည့်သွင်း ​ပြောဆိုခဲ့ခြင်း ဖြစ်သည်။

.

“ ယူနိုက်တက်ကင်းဒမ်းနဲ့ ကနေဒါတို့က နေပြီး မြန်မာနိုင်ငံအတွင်း အာဏာသိမ်းမှု အတွက် တာဝန်ရှိသူတွေကို အရေးယူဒဏ်ခတ် ပိတ်ဆို့မှု ချမှတ်လိုက်တဲ့အတွက် အမေရိကန်ပြည်ထောင်စုက ကြိုဆိုပါတယ်။ တာဝန်ယူမှု၊ တာဝန်ခံမှုကို မြှင့်တင်မယ့် သတင်းစကားတစ်ရပ်ကို နိုင်ငံတကာ အသိုင်းအဝိုင်းက နေပြီး ညီညီညာညာနဲ ဝိုင်းဝန်းပေးပို့ကြဖို့လည်း ကျွန်တော်တို့ တိုက်တွန်းပါတယ်။ ဒီမိုကရေစီ နည်းကျ ရွေးကောက်တင်မြှောက်ထားတဲ့ အစိုးရကို အာဏာပြန်ပြီး ပေးကိုပေးရပါမယ်။”ဟု အန်တိုနီဘလင်ကင်က ​ပြောသည်။

.

ယူနိုက်တက်ကင်းဒမ်းအနေဖြင့် မြန်မာ အာဏာသိမ်း စစ်ကောင်စီဝင်များ ဖြစ်​သော ဗိုလ်ချုပ်ကြီး မြထွန်းဦး၊ ဒုတိယဗိုလ်ချုပ်ကြီး စိုးထွဋ်နှင့် ဒုတိယဗိုလ်ချုပ်ကြီး သန်းလှိုင်တို့ ၃ ဦး၏ ပိုင်ဆိုင်မှုများကို ထိန်းချုပ်ခြင်းနှင့် ခရီးသွားလာမှု ကန့်သတ် ထိန်းချုပ်ခြင်းများကို ပြုလုပ်ခဲ့ခြင်း ဖြစ်သည်။

.

ထို့တူ ကနေဒါနိုင်ငံကလည်း ဗိုလ်ချုပ်မှူးကြီး မင်းအောင်လှိုင် အပါအဝင် ၉ ဦးကို ပိတ်ဆို့ဒဏ်ခတ်အရေးယူခဲ့​ကြောင်း ကနေဒါနိုင်ငံ၊ နိုင်ငံခြားရေးဌာနက ဖေဖော်ဝါရီ ၁၈ ရက်တွင် ထုတ်ပြန်ကြေညာခဲ့သည်။

No comments:

Post a Comment

Journal Download

Photo of three cats