တောင်ကြီးစည်ပင်နယ်နိမိတ်အတွင်းရှိ ဆိုင်များအားလုံး ပိတ်ထားရန် အကြောင်းကြား

ကမ္ဘောဇတိုင်း

.

တောင်ကြီးမြို့နယ် စည်ပင်သာယာရေးနယ်နိမိတ်အတွင်းရှိ စည်ပင်သာယာဌာနမှ လုပ်ငန်းလိုင်စင် ထုတ်ပေးထားသော ဆိုင်များအနက် စားသောက်ဆိုင်၊ အခြေခံစားသောက်ကုန်နှင့် ဆေးဝါး အရောင်းဆိုင် များ၊ စက်သုံးဆီအရောင်းဆိုင်များမှအပ ကျန်ဆိုင်များအားလုံး ယနေ့ ဖေဖော်ဝါရီလ ၉ ရက်မှ စတင်၍ ယာယီ ပိတ်ထားရန် တောင်ကြီးမြို့နယ်စည်ပင်သာယာ‌ရေးဌာနမှ အကြောင်းကြားထားသည်ဟု သိရသည်။

.

.

“အထက်ဌာန​တွေရဲ့ ညွှန်ကြားချက်အရ ဒီ​နေ့ပဲ စာ​တွေ လိုက်ဖြန့်လိုက်ပါပြီ” ဟု ​တောင်ကြီးမြို့နယ် စည်ပင်သာယာ​ရေးဌာနမှ အရာရှိ တစ်ဦးက ​​ပြောသည်။

.

ရှမ်းပြည်နယ်စည်ပင်သာယာရေးဌာနနှင့် တောင်ကြီးမြို့နယ်အထွေထွေအုပ်ချုပ်ရေးဦးစီးဌာနတို့၏ ညွှန်ကြားစာ အရ မြို့နယ်စည်ပင်သာယာရေးဌာနမှ တောင်ကြီးမြို့နယ်စည်ပင်သာယာရေး နယ်နိမိတ် အတွင်းရှိ ‌စည်ပင်လိုင်စင်ရလုပ်ငန်း များအား ထပ်ဆင့် အကြောင်းကြားထားခြင်းဖြစ်ကြောင်း သိရသည်။

.