တောင်ကြီးမြို့၊ ဗိုလ်ချုပ်လမ်းမပေါ်၌ ပြည်သူများက ပဌာန်းရွတ်ရန် ပြင်ဆင်နေစဥ် မိုင်းရှာဖွေမည်ဟု ဆိုကာ လုံခြုံရေးများက ယနေ့ ဖေဖော်ဝါရီ ၂၇ ရက်၊ ညနေပိုင်းတွင် ဖယ်ရှားခိုင်းကြောင်း သိရသည်။
.
တောင်ကြီးမြို့၌ ပြည်သူများက ပဌာန်း ရွတ်လာသည်မှာ ၄ ရက်တိုင် ရှိပြီ ဖြစ်ပြီး ယနေ့တွင်ပဌာန်းရွတ်မည့် နေရာအား လုံခြုံရေးစည်းများ တားကာ မိုင်းရှာဖွေမည်ဟု အကြောင်းပြ၍ ဖယ်ရှားခိုင်းခြင်း ဖြစ်ကြောင်း သိရသည်။
.
အဆိုပါ ဖယ်ရှားခိုင်းမှုကြောင့် ပဌာန်းရွတ်ဖတ်မည့် ပြည်သူများသည် ယင်းနေရာ၏ မျက်နှာချင်းဆိုင် အရှေ့တွင် နေရာပြောင်းလဲကာ ၅ ရက်မြောက် အဖြစ် ပဌာန်းရွတ်ဆို ပူဇော်နေလျက် ရှိကြောင်း သိရသည်။
.
ယနေ့ နေ့လယ် ၁ နာရီခွဲခန့်တွင် လည်း တောင်ကြီးမြို့ပေါ်ရှိ ဟိုတယ် ၄ ခု၌ ဗုံး ပေါက်ကွဲမည် ဖြစ်ကြောင်း သတင်း ပေးသည်ဟု ဆိုကာ မိုင်း ရှင်းလင်း/ရှာဖွေမှုများ ပြုလုပ်ခဲ့သော်လည်း ပြည်သူများကမူ အထိတ်တလန့် ဖြစ်စေရန် ရည်ရွယ် လုပ်ဆောင်သည်ဟု ဝေဖန်နေကြသည်။
