​​​​​​ရွေး​ကော်နှင့် နိုင်ငံ​ရေးပါတီများ ​တွေ့ဆုံပွဲသို့ ရှမ်းပြည်မှ ၇ ပါတီ တက်​ရောက် ဆွေး​နွေးနေ

နေပြည်​တော်ရှိ ပြည်​ထောင်စု ​ရွေး​ကောက်ပွဲ ​ကော်မရှင်ရုံး၌ ယ​နေ့ ဖေ​ဖော်ဝါရီ ၂၆ ရက်တွင် ​ကျင်းပပြုလုပ်လျက် ရှိ​သော အာဏာသိမ်း စစ်​ကောင်စီက ဖွဲ့စည်းထားသည့် ပြည်​ထောင်စု ​ရွေး​ကောက်ပွဲ​ ကော်မရှင်နှင့် နိုင်ငံ​ရေးပါတီများ​ တွေ့ဆုံညှိနှိုင်း အစည်းအ​ဝေးအား ရှမ်းပြည်နယ်မှ နိုင်ငံ​ရေးပါတီ ၇ ခုက တက်​ရောက် ​ဆွေး​နွေး​နေ​ကြောင်း သိရသည်။

.

Photo - Internet

အဆိုပါ ​ဆွေး​နွေးပွဲသို့ ရှမ်းပြည်နယ်မှ ၇ ပါတီ အပါအဝင် နိုင်ငံ​ရေးပါတီ ၅၃ ပါတီ၏ ကိုယ်စားလှယ်များက တက်​ရောက်​ ​ဆွေး​နွေး​နေ​ကြခြင်း ဖြစ်သည်။

.

ယင်းအစည်းအ​ဝေးသို့ တက်​ရောက်​နေသည့် ရှမ်းပြည်နယ်မှ ၇ ပါတီမှာ ကိုးကန့်ဒီမိုကရေစီနှင့် ညီညွတ်ရေးပါတီ၊ ပအိုဝ်းအမျိုးသား အဖွဲ့ချုပ် (PNO)၊ ရှမ်းတိုင်းရင်းသားများ ဒီမိုကရက်တစ်ပါတီ (SNDP)၊ လီဆူအမျိုးသား ဖွံ့ဖြိုးတိုးတက်ရေးပါတီ၊ ဖက်ဒရယ်ပြည်ထောင်စုပါတီ၊ ဓနုအမျိုးသားများ အဖွဲ့ချုပ်ပါတီနှင့် အာခါအမျိုးသား ဖွံ့ဖြိုးတိုးတက်ရေးပါတီတို့ ဖြစ်​ကြောင်း သိရသည်။

.

တွေ့ဆုံညှိနှိုင်း အစည်းဝေးသို့ လက်ရှိ တည်ဆဲ နိုင်ငံရေးပါတီ ၉၁ ပါတီအား ဖိတ်ကြားခဲ့ခြင်း ဖြစ်ပြီး ယင်းအနက် ၅၃ ပါတီ တက်ရောက်ခဲ့ကာ ရှမ်းပြည်နယ်အတွင်းရှိ ၈ ပါတီ အပါအဝင် ၃၈ ပါတီမှာ တက်ရောက်ခဲ့ခြင်း မရှိ​​ပေ။