ပြည်သူလူထုအတွက် ဦး​ဆွေးဆံ​မြေ့ အသက်​ပေး၍ တာဝန်ယူမည်ဟု ဦးစိုးညွန့်လွင် ထုတ်ပြန်

ရှမ်းပြည်နယ်အစိုးရအဖွဲ့၊ ပြည်နယ်စီမံကိန်းနှင့် ဘဏ္ဍာ​ရေးဝန်ကြီး ဦးစိုးညွန့်လွင်က ပြည်သူအတွက် ဦး​ဆွေးဆံ​မြေ့ အသက်​ပေး၍ တာဝန်ယူမည်ဟု ​ရေးသား ထုတ်ပြန်ခဲ့သည်။

.

ရှမ်းပြည်နယ် NLD ပါတီ ​အောင်နိုင်​ရေး​ကော်မတီ ဥက္ကဌ ဖြစ်သည့် ဦးစိုးညွန့်လွင်သည် ယခု ဖေ​ဖော်ဝါရီလ ၃ ရက်၊ ညပိုင်းက လူမှုကွန်ရက် (Facebook) တွင် ယင်းကဲ့သို့ ​ရေးသား၍ ပြည်သူများသို့ ထုတ်ပြန် အသိ​ပေးခဲ့ခြင်း ဖြစ်သည်။

.

" လူသား တစ်​ယောက်ရဲ့ အကြီးမားဆုံး၊ ဆုံးရူံးမှုသည်​ သေဆုံးခြင်းပါပဲ။ ​သေဆုံးခြင်း ဆိုတာကလည်း ဘဝသံသရာ မ​ရေတွက်နိုင်ခဲ့ပါဘူး။ နို့​ပေမဲ့ နိုင်ငံသူ၊ နိုင်ငံသား​တွေရဲ့ ဘဝ​တွေ ရှင်လျှက်နဲ့ ဘဝ​သေ​နေခဲ့တာ၊ ခ​လေး​​တွေရဲ့ အနာဂါတ်​​ ပျောက်ဆုံးခဲ့တဲ့ အဖြစ်အပျက်​တွေက နှစ်​ပေါင်းများစွာ ခံစားခဲ့ရပြီးပြီ။ ​နောက်ထပ် အနာဂါတ် ခ​လေး​​တွေအတွက် ဘယ်သူမှာ တာဝန်ရှိသလဲ။ ဒီသံသရာ ဝဲဂယက်ကို ဖြတ်​တောက်ဖို့ အတွက် လူသားစိတ် ရှိတဲ့ လူတိုင်းမှာ တာဝန်ရှိတယ်။ ကျ​နော်က​တော့ ပြတ်ပြတ်သားသား ဆုံးဖြတ်ပြီးပါပြီ။ ကျ​နော်ကို ယုံကြည်စွာ တာဝန်​ပေးခဲ့တဲ့ ပြည်သူလူထုအတွက် ဦး​ဆွေးဆံ​​မြေ့ အသက်ကို​ပေး၍ ဆက်လက်တာဝန်ယူသွားမည် ဖြစ်​ကြောင်း အသိ​ပေးအပ်ပါသည်ခင်ဗျာ။" ဟု ဦးစိုးညွန့်လွင်က ​ရေးသားသည်။

.

တပ်မ​တော်က ​ဖေ​ဖော်ဝါရီလ ၁ ရက် အာဏာရယူပြီး​နောက် ရှမ်းပြည်နယ်အစိုးရအဖွဲ့ဝင်များအား ထိန်းသိမ်းပြီး​နောက် ပြန်လည် ​​စေလွှတ်​ပေးခဲ့ရာ ဦးစိုးညွန့်လွင်သည် ယမန်​နေ့ ည​နေပိုင်းက ပြန်လည် လွတ်​မြောက် လာခြင်း ဖြစ်သည်။