​ဆီဆိုင်မြို့နယ်မှ CDM ဝန်ထမ်း ၁၅၀ ​ကျော်ကို ဆန်၊ ဆီ၊ ဆား ရိက္ခာများ ​ထောက်ပံ့ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

​ဆီဆိုင်မြို့နယ်မှ CDM ဝန်ထမ်း ၁၅၀ ​ကျော်ကို ဆန်၊ ဆီ၊ ဆား ရိက္ခာများ ​ထောက်ပံ့

အာဏာရှင် ပြုတ်ကျ​ရေး အစီအစဥ် ဖြစ်​သော CDM ၌ ပါဝင်ကြသည့် ဆီဆိုင်မြို့နယ်မှ CDM ဝန်ထမ်း ၁၅၀ ​ကျော်ကို ဆန်၊ ဆီ၊ ဆား ရိက္ခာများ အပါအဝင် လိုအပ်သည်များကို ကူညီ ​ထောက်ပံ့မှုများကို ယ​နေ့ ​ဖေ​ဖော်ဝါရီလ ၂၁ ရက်မှ စတင်၍ ပြုလုပ်​နေ​ကြောင်း သိရသည်။

.



" ဝန်ထမ်း တစ်ဦးကို ဆန် ၁၂ ပြည်ပါ တစ်အိတ်၊ ဆီ ၃ ပိဿာ၊ ဆား ၂ ပိဿာ စီ အိမ်တိုင်ရာ​ရောက် လိုက်ပြီး ​ထောက်ပံ့​ပေး​နေတာပါ။ ​လော​လောဆယ် CDM ဝန်ထမ်း ၁၁၅ ဦး ရှိပါတယ်။ အဆက်မသွယ် မရ​သေးတဲ့ ဝန်ထမ်း​တွေလည်း ရှိ​နေတာမို့ အဆက်အသွယ် ရတာနဲ့ ဆက်လက် ​ထောက်ပံ့မှာပါ။"ဟု ဆီဆိုင်မြို့မှ Gen-Z တစ်ဦးက ​ပြောသည်။

.

ယင်းကဲ့သို့ ​ထောက်ပံ့ လှူဒါန်းမှုနှင့် ပတ်သက်၍ CDM ဝန်ထမ်း တစ်ဦးကမူ ပြည်သူထဲက ပြည်သူ့ဝန်ထမ်း ဖြစ်၍ ပြည်သူအတွက် CDM ပြုလုပ်​ခြင်း ဖြစ်​ကြောင်း၊ ပြည်သူ​များ အဆင်မ​ပြေသည်ကို သိ​နေ၍ ထောက်ပံ့ခြင်းအား မယူလို​သော်လည်း ၎င်းတို့ စိတ်မ​ကောင်း ဖြစ်မည်ကို စိုးရိမ်၍ လက်ခံခဲ့​ကြောင်း ရှင်းပြသည်။

.

ဆီဆိုင်မြို့နယ် အတွင်းရှိ ပြည်သူများနှင့် ပြည်ပ​ရောက် ဆီဆိုင်မြို့နယ် ဇာတိများက CDM ဝန်ထမ်းများအတွက် အ​ထောက်အကူ ဖြစ်​စေရန် ရည်ရွယ်၍ စု​ပေါင်း လှူဒါန်းခြင်း ဖြစ်​ကာ လက်ရှိတွင် အလှူ​ငွေကျပ်သိန်း ၄၀ ခန့် ရရှိ​နေပြီ ဖြစ်​ကြောင်း သိရသည်။

Journal Download

Photo of three cats