စစ်အာဏာ သိမ်းမှု ဖြစ်ပြီးနောက် တောင်ကြီးမြို့၌ ညစဥ် ၈ နာရီတွင် သံပုံးတီး ကမ်းပိန်းကို ပြုလုပ်လျက် ရှိရာ ယနေ့ ဖေဖော်ဝါရီလ ၉ ရက်၊ ညပိုင်း၌ သံဃာများပါ ယင်း ကမ်းပိန်းကို ပါဝင် ဆောင်ရွက်လာခြင်း ဖြစ်ကြောင်း သိရသည်။
.
ပစ္စည်း ၄ - ပါး ဒကာ ဒကာမ အစစ်အမှန် ဖြစ်သော ပြည်သူလူထုကြီး အာဏာရှင်စနစ်ဆိုးမှ လွတ်မြောက်နိုင်ရန်အတွက် ပြည်သူများနှင့်ထပ်တူ မကောင်းမိစ္ဆာများကို နှင်ထုတ်နေခြင်း ဖြစ်ကြောင်း ရဟန်း တစ်ပါးက မိန့်သည်။
.
အဆိုပါ သံပုံးတီးကမ်းပိန်းကို စစ်အာဏာသိမ်းမှု ဆန့်ကျင်သည့် အနေဖြင့် ပြည်သူများက နိုင်ငံတစ်ဝန်း၌ ညစဥ် ဆောင်ရွက်နေခြင်း ဖြစ်ကြောင်း သိရသည်။
