ကမ္ဘောဇတိုင်း
.
မြန်မာ့တပ်မတော်က နိုင်ငံတော်အာဏာ ရယူလိုက်ပြီးနောက် ၄ ရက်မြောက်ဖြစ်သော ယနေ့
ဖေဖော်ဝါရီလ ၄ ရက်တွင် Facebook လူမှုကွန်ရက်စာမျက်နှာအား ပုံမှန်အတိုင်း အသုံးပြု၍ မရတော့ကြောင်း
သိရသည်။
.
ဆက်သွယ်ရေးအော်ပရေတာများအနေဖြင့် ဖေဖော်ဝါရီလ ၇ ရက်အထိ Facebook အသုံးပြု၍
မရနိုင်အောင် ပိတ်သိမ်းထားရန် ပို့ဆောင်ရေးနှင့် ဆက်သွယ်ရေးဝန်ကြီးဌာနက ယမန်နေ့ ဖေဖော်ဝါရီလ
၃ ရက်နေ့ ရက်စွဲဖြင့် အကြောင်းကြားခဲ့ခြင်းဖြစ်ကြောင်း သိရသည်။
.
ယင်းကဲ့သို့ အသိအပေးအကြောင်းမှုနှင့်အတူ ယနေ ဖေဖော်ဝါရီလ ၄ ရက်၊ နံနက်ပိုင်းတွင်
ဆက်သွယ်ရေး အော်ပရေတာများက Facebook အသုံးပြု၍မရအောင် ပိတ်ထားခဲ့ခြင်းဖြစ်ကြောင်း
သိရသည်။
.
ပြီးခဲ့သည့် ၂၀၂၀ ပြည့်နှစ်၊၊ နိုဝင်ဘာလ ၈ ရက်က ကျင်းပခဲ့သော ပါတီစုံဒီမိုကရေစီ
အထွေထွေ ရွေးကောက်ပွဲနှင့် ပတ်သက်၍ မဲစာရင်း မသမာမှုများ ရှိနေသည်ဟုဆိုကာ ဖေဖော်ဝါရီလ
၁ ရက်တွင် နိုင်ငံတော်သမ္မတနှင့် နိုင်ငံတော်၏ အတိုင်ပင်ခံပုဂ္ဂိုလ် အပါအဝင် အစိုးရအဖွဲ့ဝင်များ၊
NLD ပါတီဝင်များကို တပ်မတော်မှ ဖမ်းဆီးထိန်းသိမ်းကာ နိုင်ငံတော်အာဏာ သိမ်းခဲ့ခြင်းဖြစ်ကြောင်း
ထုတ်ပြန်ထားသည်။
.
