COVID-19 အတည်ပြုလူနာ အသစ် ၃၁၀ ဦး တွေ့ရှိ

COVID-19 ပိုးတွေ့ အတည်ပြုလူနာ အသစ် ၃၁၀ ဦး တွေ့ရှိပြီး ထပ်မံ သေဆုံးသူ ၈ ဦး ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (​ဖေ​ဖော်ဝါရီလ ၂ ရက်)၊ ည ၈ နာရီက ထုတ်ပြန်ချက်အရ သိရသည်။

.

ထို့အတူ ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)၌ PCR စက်ဖြင့် စစ်​ဆေးခဲ့သည့် ဓါတ်ခွဲနမူနာ ၄၂၆ ခုအနက် ၃ ဦးတို့တွင် COVID-19 ပိုး တွေ့ရှိခဲ့​ကြောင်း ထုတ်ပြန်ချက်တွင် ပါရှိသည်။

.

မြန်မာနိုင်ငံတွင် ၂၀၂၀ ပြည့်နှစ်၊ မတ်လ ၂၃ ရက်မှ ယနေ့ (​ဖေ​ဖော်ဝါရီလ ၂ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၁၄၀၆၆၄ ဦး ရှိကာ၊ ယင်းအနက် ၃၁၄၆ ဦး သေဆုံး၍ ၁၂၅၈၈၅ ဦးမှာ ပြန်လည် သက်သာ၍ ဆေးရုံမှ ဆင်းခွင့်ရပြီ ဖြစ်ကြောင်း သိရသည်။