မိုင်းတုံမြို့နယ်တွင် ငွေကျပ် ၈ သိန်းကျော် တန်ဖိုးရှိ မူးယစ်‌ဆေးဝါးများ ဖမ်းမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, February 8, 2021

မိုင်းတုံမြို့နယ်တွင် ငွေကျပ် ၈ သိန်းကျော် တန်ဖိုးရှိ မူးယစ်‌ဆေးဝါးများ ဖမ်းမိ

ကမ္ဘောဇတိုင်း

.

မိုင်းတုံမြို့နယ်၊ မိုင်းကန်ကျေးရွာအုပ်စု၊ ရွှေတောင်ကျေးရွာတွင် ယမန်နေ့ ဖေဖော်ဝါရီလ ၇ ရက် နေ့လယ်ပိုင်းက ​​ ငွေကျပ် ၈ သိန်းကျော် တန်ဖိုးရှိ မူးယစ်ဆေးဝါးများ ဖမ်းဆီးရမိခဲ့ကြောင်း သိရသည်။

.


.

မိုင်းဆတ်ခရိုင်ရဲတပ်ဖွဲ့နှင့် မူးယစ်တပ်ဖွဲ့စု (၂၉)မှ တပ်ဖွဲ့ဝင်များ ပါဝင်သော ပူးပေါင်းအဖွဲ့သည် ဖေဖော်ဝါရီလ ၇ ရက်၊ နေ့လယ်၂ နာရီခန့်က မိုင်းတုံမြို့နယ်၊ ရွှေတောင်ကျေးရွာနေ သန်းထိုက် (ခ) ကောက်ကွေး၏ နေအိမ်အား ဝင်ရောက် ရှာဖွေရာ ၎င်းအား နေအိမ်ဧည့်ခန်းတွင် တွေ့ရှိပြီး ၎င်းဝတ်ဆင်ထားသည့် အနွေးထည်အတွင်းမှ အပြာရောင် ပလတ်စတစ်ကပ်ခွာအိတ်ဖြင့် ထည့်ထားသည့် စိတ်ကြွရူးသွပ်ဆေးပြား ၂၀၀ ပြားပါ ၄ ထုပ်၊ ၅၅ ပြား တစ်ထုပ် စုစုပေါင်း ၈၅၅ ပြား၊ ကာလတန်ဖိုး ၈၅၅၀၀၀ ကျပ်ခန့်အား တွေ့ရှိဖမ်းဆီးရမိခဲ့ခြင်းဖြစ်ကြောင်း သိရသည်။

.

အဆိုပါ မူးယစ်ဆေးဝါးများနှင့်အတူ လက်ဝယ်တွေ့ရှိသူ သန်းထိုက် (ခ) ကောက်ကွေးအား မိုင်းတုံမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေပုဒ်မ ၁၉ (က) ဖြင့် အမှုဖွင့်အရေးယူ ဆောင်ရွက်လျက်ရှိကြောင်း သိရသည်။

.


No comments:

Post a Comment

Journal Download

Photo of three cats