တပ်မတော် အာဏာသိမ်းမှုကို ဆန့်ကျင်ကန့်ကွက်သည့်အနေဖြင့် တောင်ကြီးတွင် သံပုံးတီးခြင်း အပြင် ဆိုင်ကယ်၊ ကားများဖြင့် မြို့တွင်းလှည့်လည် ဟွန်းတီး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တပ်မတော် အာဏာသိမ်းမှုကို ဆန့်ကျင်ကန့်ကွက်သည့်အနေဖြင့် တောင်ကြီးတွင် သံပုံးတီးခြင်း အပြင် ဆိုင်ကယ်၊ ကားများဖြင့် မြို့တွင်းလှည့်လည် ဟွန်းတီး

ကမ္ဘောဇတိုင်း

.

တပ်မတော်က ပြည်သူ့အစိုးရထံမှ အဓမ္မ အာဏာ သိမ်းယူမှုကို ဆန့်ကျင်ကန့်ကွက်သည့်အနေဖြင့် တောင်ကြီးမြို့ပေါ်တွင် ယနေ့ ဖေဖော်ဝါရီလ ၅ ရက်၊ ညပိုင်းက တတိယမြောက်ရက်အဖြစ် နေအိမ် များအတွင်း သံပုံးတီးခြင်း အပြင် ‌မော်တော် ဆိုင်ကယ်များ၊ ကားများဖြင့် မြို့တစ်ပတ်လှည့်လည်၍ ဟွန်းတီးကာ Campign ပြုလုပ်ခဲ့ကြသည် ဟု သိရသည်။

.

.

တောင်ကြီးမြို့ အပါအဝင် ရှမ်းပြည်နယ်အတွင်းရှိ မြို့နယ်၊ ဒေသအသီးသီးတွင် တပ်မတော် အာဏာသိမ်းမှုအား ဆန့်ကျင်ကြောင်း သံပုံးတီး Campign များကို ဖေဖော်ဝါရီလ ၃ ရက်မှ စတင်၍ ညစဉ် ည ၈ နာရီတွင် ပြုလုပ်နေကြခြင်းဖြစ်ပြီး တောင်ကြီးမြို့တွင် ယခု ဖေဖော်ဝါရီလ ၅ ရက်၊ ညပိုင်း၌ မော်တော်ဆိုင်ကယ် အစီးရေ ၂၀၀၀ ကားအစီးရေ ၁၀၀၀ ဖြင့် Campign ပြုလုပ်ခြင်း ဖြစ်ကြောင်း သိရသည်။

.

ထို့အပြင် တောင်ကြီးမြို့ပေါ်ရှိ လူစည်ကားရာ နေရာများတွင် အာဏာသိမ်းမှုကို ဆန့်ကျင်ကြောင်း မှုတ်ဆေးများဖြင့် စာသား ရေးသားမှုများလည်း ရှိနေကြောင်း သိရသည်။

.

သံပုံးတီး Campign ကို တောင်ကြီးမြို့တွင် ဖေဖော်ဝါရီလ ၃ ရ က်၊ ညပိုင်းက စတင်ပြုလုပ်ခဲ့ခြင်း ဖြစ်ပြီး ၄ ရက်နေ့ညတွင် တီးခတ်သူ ပိုမိုများပြားလာကာ ယနေ့ ဖေဖော်ဝါရီလ ၅ ရက်တွင် ယခု ကဲ့သို့ ကား/ဆိုင်ကယ်များဖြင့် ဟွန်းတီးခြင်းကို ထပ်မံပြုလုပ်ခြင်းဖြစ်ကြောင်း သိရသည်။

.

တပ်မတော်မှ နိုင်ငံတော်သိမ်းယူမှုနှင့် ပတ်သက်၍ နေပြည်တော်အပါအဝင် မြန်မာနိုင်ငံအတွင်းရှိ မြို့နယ်အချို့တွင် ဌာနဆိုင်ရာ ဝန်ထမ်းများနှင့် လူထုလူတန်းစား အသီးသီးက လက်မခံကြောင်း Civil Disobedence Campign များကို နည်းမျိုးစုံဖြင့် ပြုလုပ်နေကြခြင်းဖြစ်ကြောင်း သိရသည်။

.


Journal Download

Photo of three cats