တပ်မတော်က လက်နက်ဖြင့် အာဏာသိမ်းမှုကို ပြင်းထန်စွာ ကန့်ကွက်ရှုတ်ချကြောင်း မြန်မာနိုင်ငံရှေ့နေများကွန်ရက် ထုတ်ပြန် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တပ်မတော်က လက်နက်ဖြင့် အာဏာသိမ်းမှုကို ပြင်းထန်စွာ ကန့်ကွက်ရှုတ်ချကြောင်း မြန်မာနိုင်ငံရှေ့နေများကွန်ရက် ထုတ်ပြန်

မင်းဇော်မင်း

.

တပ်မတော်က အာဏာသိမ်းယူမှုနှင့်ပတ်သက်၍ ဖွဲ့စည်းပုံအခြေခံဥပဒေနှင့် ညီညွတ်ခြင်းမရှိဘဲ သိမ်းပိုက်သည်ဆိုကာ ပြင်းထန်စွာပြစ်တင်ရှုတ်ချကြောင်း မြန်မာနိုင်ငံရှေ့နေများကွန်ရက်က ဖေဖော်ဝါရီလ ၃ ရက်စွဲပါ စာဖြင့် သဘောထားကြေညာချက် ထုတ်ပြန်ကြေညာခဲ့သည်ဟု သိရသည်။

.



.

၂၀၀၈ ဖွဲ့စည်းပုံအခြေခံဥပဒေကို အသက်နှင့်လဲ၍ ကူညီစောင့်ရှောက်ပါမည်ဟု ပြောခဲ့သော တပ်မတော်မှ ဖေဖော်ဝါရီ ၁ရက်တွင် နိုင်ငံတော်အာဏာကို ဖွဲ့စည်းပုံအခြေခံဥပဒေနှင့် ညီညွတ်ခြင်းမရှိဘဲ အဓမ္မသိမ်းယူထားခြင်းအား မြန်မာနိုင်ငံရှေ့နေများကွန်ရက်က ပြင်းထန်စွာပြစ်တင်ရှုတ်ချကြောင်း ကြေညာအပ်ပါသည်ဟု ထုတ်ပြန်ချက်တွင် ဖော်ပြပါရှိသည်။

.

ထို့အပြင် ပြည်သူက ရွေးကောက်တင်မြှောက်ထားသော အစိုးရနှင့် လွှတ်တော်ကိုယ်စားလှယ် များ၏ ဖြစ်တည်မှုကို အသိအမှတ်ပြု၍ ဖမ်းဆီးထိန်းသိမ်းမှုများ မပြုလုပ်ရန်၊ ဖမ်းဆီးထားသည့် ရဟန်းသံဃာဆရာတော်ကြီးများ၊ ပြည်သူ့စာရေးဆရာများ၊ အနုပညာရှင်များအားလုံးကို ခြွင်းချက်မရှိ အမြန်ဆုံးပြန်လွှတ်ပေးရန်၊ တရားဥပဒေစိုးမိုးရေးနှင့် ဒီမိုကရေစီစနစ်ကို လေးစားလိုက်နာ၍ နိုင်ငံတော်အာဏာကို လက်နက်ဖြင့်သိမ်းယူခြင်းအားပြန်လည် ရုပ်သိမ်းရန် တို့ကို တောင်းဆိုကြောင်း ယင်းကြေညာချက်တွင် ဖော်ပြထားသည်။

.

“ဖွဲ့စည်းပုံကို အသက်ပေးစောင့်ရှောက်မယ်ဆိုတဲ့ တပ်က သူတို့ပဲ အဲဒီဖွဲ့စည်းပုံကို မလိုက်နာ ဖောက်ဖျက် ကျူးလွန်ပြီး လက်နက်နဲ့အာဏာသိမ်းတာဖြစ်လို့ ဒီကန့်ကွက်ချက်ကို ထုတ်ပြန်တာပါ” ဟု မြန်မာနိုင်ငံရှေ့နေများကွန်ရက်အဖွဲ့ဝင် ဦးမြင့်အောင်ထွန်းက ကမ္ဘောဇတိုင်းသို့ ပြောသည်။

.

ပြီးခဲ့သည့် ၂၀၂၀ ပြည့်နှစ်၊၊ နိုဝင်ဘာလ ၈ ရက်က ကျင်းပခဲ့သော ပါတီစုံဒီမိုကရေစီ အထွေထွေ ရွေးကောက်ပွဲနှင့် ပတ်သက်၍ မဲစာရင်း မသမာမှုများ ရှိနေသည်ဟုဆိုကာ ဖေဖော်ဝါရီလ ၁ ရက်တွင် တပ်မတော်မှ အာဏာသိမ်းယူခဲ့ခြင်းဖြစ်ကြောင်း သိရသည်။

.


Journal Download

Photo of three cats