တပ်မတော်က အာဏာသိမ်းပြီး နိုင်ငံတော် အရေးပေါ်အခြေအနေ ကြေညာ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Monday, February 1, 2021

တပ်မတော်က အာဏာသိမ်းပြီး နိုင်ငံတော် အရေးပေါ်အခြေအနေ ကြေညာ

ကမ္ဘောဇတိုင်း

.

တပ်မတော်ကာကွယ်‌‌ရေးဦးစီးချုပ်က နိုင်ငံတော်အာဏာ ရယူပြီး နိုင်ငံတော်အား အရေးပေါ်အခြေအနေ ကြေညာခဲ့သည်ဟု ၂၀၂၁ ခုနှစ်၊ ဖေဖော်ဝါရီလ ၁ ရက်၊ နံနက်ပိုင်းတွင် တပ်မတော်ပိုင် မြဝတီ ရုပ်သံလိုင်းက ထုတ်ပြန်ခဲ့သည်။

.



.

မဲစာရင်းများကို စစ်ဆေးပြီးလိုအပ်သည့် အရေးယူဆောင်ရွက်မှုများ ပြုလုပ်ရန်အတွက် နိုင်ငံတော်၏ ဥပဒေပြုရေး၊ အုပ်ချုပ်ရေးနှင့် တရားစီရင်ရေးအာဏာအရပ်ရပ်ကို တပ်မတော်ကာကွယ်ရေးဦးစီးချုပ်ထံ အပ်နှံလိုက်ကြောင်း ထုတ်ပြန်ချက်တွင် ဖော်ပြထားသည်။

.

ယင်းကဲ့သို့ အာဏာရယူမှုနှင့်အတူ ပြည်တွင်းရှိ ဆက်သွယ်ရေးဖုန်းလိုင်းအချို့အားလည်း ဖြတ်တောက်ထားပြီး နိုင်ငံတော်အကြီးအကဲအချို့၊ တိုင်းဒေသကြီးနှင့် ပြည်နယ်ဝန်ကြီးချုပ်များ၊ NLD ပါတီဝင်အချို့တို့ကို တပ်မတော်က ထိန်းသိမ်းထားကြောင်း သိရသည်။

.

ဖွဲ့စည်းပုံအခြေခံဥပဒေ ၂၀၀၈၊ ပုဒ်မ ၄၁၇ အရ နိုင်ငံတော်အား အရေးပေါ်အခြေအနေ ကြေညာလိုက်ပြီး အရေးပေါ်အခြေအနေ အကျိုးသက်ရောက်သည့်နယ်မြေသည် နိုင်ငံတဝှမ်းလုံးဖြစ်ကြောင်းနှင့် အရေးပေါ်အခြေအနေအား ဖွဲ့စည်းပုံအခြေခံဥပဒေပုဒ်မ ၄၁၇ အရ အမိန့်ထုတ်ပြန်သည့်နေ့မှစ၍ (၁) နှစ် သတ်မှတ်လိုက်ခြင်းဖြစ်သည်။

.

#KBZTai #Shan #News

.

No comments:

Post a Comment

Journal Download

Photo of three cats