ဦးအောင်ကိုဝင်းအား ပြည်ထောင်စု စည်သူသင်္ဂဟဂုဏ်ထူးဆောင် “သရေစည်သူဘွဲ့” ပေးအပ်ချီးမြှင့်မည်

အခွန်ထမ်းဆောင်မှုနှင့် နိုင်ငံ၏ အရေးကြီး ကိစ္စရပ်များတွင် လှူဒါန်းမှုများ ဆောင်ရွက်ခဲ့သည့် ကမ္ဘောဇအုပ်စု နာယက ဦးအောင်ကိုဝင်းအား နိုင်ငံတော်သမ္မတက “ ပြည်ထောင်စု စည်သူသင်္ဂဟ ဂုဏ်ထူးဆောင် သရေစည်သူဘွဲ့” ပေးအပ် ချီးမြှင့်သွားမည် ဖြစ်ကြောင်း သိရသည်။

.

အဆိုပါ သရေစည်သူဘွဲ့ကို လာမည့် ဇန်နဝါရီလ ၄ ရက် (လွတ်လပ်ရေးနေ့)တွင် သမ္မတ ဦးဝင်းမြင့်က နေပြည်တော်ရှိ သမ္မတအိမ်တော်တွင် ပေးအပ်ချီးမြင့်သွားမည် ဖြစ်ကြောင်း သိရသည်။

.

ဦးအောင်ကိုဝင်း ဦးဆောင်သော ကမ္ဘောဇအုပ်စုသည် နိုင်ငံတော်အတွက် အခွန်ဘဏ္ဍာတာဝန်ကို ပထမ နေရာမှ ဝင်ငွေခွန် အများဆုံး ၈ ကြိမ်ဆက် ထမ်းဆောင်ခဲ့ပြီး၊ လူမျိုးမရွေး၊ ဘာသာမရွေး၊ နေရာဒေသ မရွေး နိုင်ငံတော်နှင့် ပြည်သူအတွက် တစ်နိုင်ငံလုံး အတိုင်းအတာဖြင့် ကျပ်ငွေ ၁၈ဝ ဘီလီယံကျော် လှူဒါန်းခဲ့ပြီး ဖြစ်ကြောင်း သိရသည်။

.

နိုင်ငံတော်မှ ဦးအောင်ကိုဝင်းအား ပေးအပ်ချီးမြှင့်မည့် “သရေစည်သူဘွဲ့” သည် မြန်မာနိုင်ငံ၌ အရပ်ဘက်ဆိုင်ရာ စီးပွားရေးလုပ်ငန်းရှင်များ အနက် ပထမဆုံးနှင့် အမြင့်ဆုံး ပေးအပ်ချီးမြှင့်ခဲ့သော “ပြည်ထောင်စု စည်သူသင်္ဂဟ ဂုဏ်ထူးဆောင်ဘွဲ့” ဖြစ်ကြောင်း သိရသည်။

.

ယင်းကဲ့သို့ ဂုဏ်ထူးဆောင်ဘွဲ့တံဆိပ်များ ချီးမြှင့်ခံသူများ စာရင်းတွင် သရေစည်သူဘွဲ့အတွက် ၁ ဦး၊ သီဟသူရဘွဲ့အတွက် ၁ ဦး၊ သူရဘွဲ့အတွက် ၃ ဦး၊ ဇေယျကျော်ထင်ဘွဲ့အတွက် ၁၁ ဦး၊ အလင်္ကာကျော်စွာဘွဲ့အတွက် ၁ ဦး၊ သိပ္ပကျော်စွာဘွဲ့အတွက် ၄ ဦး စသည်ဖြင့် ပါဝင်ကြောင်း သိရသည်။

.