တွေ့ဆုံဆွေးနွေးမှု အောင်မြင်လိမ့်မည်ဟု မျှော်လင့်ကြောင်း TNP ဗဟို ဒုဥက္ကဋ္ဌ ပြော - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, January 13, 2021

တွေ့ဆုံဆွေးနွေးမှု အောင်မြင်လိမ့်မည်ဟု မျှော်လင့်ကြောင်း TNP ဗဟို ဒုဥက္ကဋ္ဌ ပြော

အောင်ဆန်းဝင်း

.

အမျိုးသားဒီမိုကရေစီအဖွဲ့ချုပ်ပါတီ (NLD) တွေ့ဆုံဆွေးနွေးရေး ကိုယ်စားလှယ်အဖွဲ့နှင့် တွေ့ဆုံဆွေးနွေးမှု အောင်မြင် လိမ့်မည်ဟု မျှော်လင့်ကြောင်း တအာင်း (ပလောင်) အမျိုးသားပါတီ (TNP) ဗဟို ဒုတိယဥက္ကဋ္ဌ ဦးညီစိန်က ပြောဆို ခဲ့သည်။

.

.

အမျိုးသားဒီမိုကရေစီအဖွဲ့ချုပ်ပါတီ (NLD) ဗဟိုကော်မတီဝင်၊ မကွေးတိုင်းဒေသကြီးဝန်ကြီးချုပ် ဒေါက်တာ အောင်မိုးညို ဦးဆောင်သော NLD တွေ့ဆုံဆွေးနွေးရေး ကိုယ်စားလှယ်အဖွဲ့နှင့် တိုင်းရင်းသားပါတီများမှ ကိုယ်စား လှယ်များ ယနေ့ ဇန်နဝါရီလ ၁၃ ရက်က တောင်ကြီးမြို့ရှိ NLD ပါတီ ရှမ်းပြည်နယ်ရုံးတွင် တွေ့ဆုံဆွေးနွေးနေခြင်း ဖြစ်ပြီး ဆွေးနွေးပွဲ မစတင်မီတွင် ဦးညီစိန်က ယင်းကဲ့သို့ ပြောဆိုခဲ့ခြင်းဖြစ်သည်။

.

“ကျွန်တော်တို့ရဲ့ အန္တိမ ရည်မှန်းချက်ကတော့ အနာဂတ် ဖက်ဒရယ်နိုင်ငံတော် ပေါ်ထွန်းဖို့ရယ်၊ ငြိမ်းချမ်းရေး၊ တန်းတူ အခွင့်အရေး၊ ကိုယ်ပိုင်ပြဌာန်းခွင့် ရရှိရေးအတွက် ရည်မှန်းထားပါတယ်။ တွေ့ဆုံမှုကတော့ အောင်မြင်လိမ့်မယ်လို့ မျှော်လင့်ပါတယ်။ NLD ဦးဆောင်မှုအောက်ကနေ ကျွန်တော်တို့ တိုင်းရင်းသားတွေတစ်ရပ်လုံး ပါဝင်လာနိုင်ဖို့ မျှော်မှန်းထားပါတယ်” ဟု တအာင်း (ပလောင်) ဦးညီစိန်က မီဒီယာများ သို့ ပြောသည်။

.

TNP ပါတီနှင့် မတွေ့ဆုံမီတွင် NLD ကိုယ်စားလှယ်အဖွဲ့သည် ပအိုဝ်းအမျိုးသားအဖွဲ့ချုပ်ပါတီ (PNO) ပါတီမှ ကိုယ်စားလှယ်များနှင့် တွေ့ဆုံဆွေးနွေးခဲ့ပြီးဖြစ်ကာ တွေ့ဆုံဆွေးနွေးမှု အဆင်ပြေကြောင်း PNO ဥက္ကဋ္ဌ ဦးခွန်စံလွင်က ပြောဆိုထားသည်။

.


No comments:

Post a Comment

Journal Download

Photo of three cats