အောင်ဆန်းဝင်း
.
တောင်ကြီးမြို့၊ အဝေရာမီးပုံးပျံကွင်းအတွင်း ယနေ့
ဇန်နဝါရီလ ၃၁ ရက်၊ နံနက်ပိုင်းက ဒေသခံ အရပ်ဘက်အဖွဲ့အစည်း များနှင့် စေတနာ့ဝန်ထမ်းများ
စုပေါင်း၍ အမှိုက်ကောက်ခဲ့ကြကြောင်း သိရသည်။
.
အဝေရာမီးပုံးပျံကွင်းအတွင်း နေ့စဉ် အားကစားလုပ်သူများ၊
ယာဉ်အမောင်းသင်သူများဖြင့် စည်ကားနေပြီး အမှိုက် များပြားနေသည့်အတွက် ယင်းကဲ့သို့ စုပေါင်း
အမှိုက်ကောက်ခဲ့ခြင်းဖြစ်ကြောင်း သိရသည်။
.
အဆိုပါ စုပေါင်းအမှိုက်ကောက်ခြင်းကို ရှင်သန်ကမ္ဘာမြေအစိမ်းရောင်ကွန်ရက်၊
ရှမ်းတောင် ပရဟိတညီနောင်များ ကွန်ရက်၊ ရှမ်းပြည်နယ် ပြည်သူလူထုစားနပ်ရိက္ခာထောက်ပံ့ရေးကော်မတီ၊
မွှေးတောင်ကြီးကုမ္ပဏီနှင့် စည်ပင် သာယာရေးဌာနတို့ ပူးပေါင်းဆောင်ရွက်ခဲ့ခြင်းဖြစ်ကြောင်း
သိရသည်။
.
