တာချီလိတ်တွင် ထိုင်းနိုင်ငံသားတစ်ဦး ယာဥ်တိုက်မှု ကျူးလွန်ကာ နယ်စပ်ဖြတ်​ကျော် ထွက်​​ပြေး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တာချီလိတ်တွင် ထိုင်းနိုင်ငံသားတစ်ဦး ယာဥ်တိုက်မှု ကျူးလွန်ကာ နယ်စပ်ဖြတ်​ကျော် ထွက်​​ပြေး

မင်းဇော်မင်း

.

တာချီလိတ်မြို့တွင် ဇန်နဝါရီလ ၈ ရက်၊ နေ့လယ်ပိုင်းက ထိုင်းနိုင်ငံသားတစ်ဦးမှ ယာဉ်တိုက်မှု ကျူးလွန်ကာ မြန်မာ-ထိုင်း နယ်စပ်ချစ်ကြည်ရေးဂိတ်တံခါး အကာအရံများကို ဖြတ်ကျော်ထွက်ပြေးမှု ဖြစ်ပွားခဲ့ကြောင်း သိရသည်။

.

.

ထိုင်းနိုင်ငံသား Wanchal Duangmusik ဆိုသူသည် ဇန်နဝါရီလ ၈ ရက်၊ နေ့လယ် ၂ နာရီခွဲခန့်က တာချီလိတ်မြို့ရှိ ရှမ်းရိုးမကွင်းရှေ့ မိန်းလမ်းပေါ်တွင် မော်တော်ယာဉ်အား အရှိန်ပြင်းစွာ မောင်းနှင်ပြီး မြန်မာနိုင်ငံသား မောင် မင်းမင်းထွန်း မောင်းနှင်လာသည့် ဆိုင်ကယ်အား ဖြတ်တိုက်ပြီးနောက် ကားကို မြန်မာဘက်ခြမ်းတွင် သော့ပိတ်၍ ထားခဲ့ကာ မြန်မာ-ထိုင်း ချစ်ကြည်ရေးတံတားအမှတ် (၁) ရှိ COVID-19 ရောဂါကြောင့် ပိတ်ဆို့ထားသည့် တံခါးအကာအရံများကို ကျော်တက်၍ ထိုင်းနိုင်ငံဘက်သို့ ထွက်ပြေး သွားခဲ့ခြင်းဖြစ်ကြောင်း သိရသည်။

.

“အတိုက်ခံရတဲ့ကလေးက ရွှေတိဂုံဘုရားနား နေတာပါ။ ခြေထောက်လောက်ပဲ ပွန်းပဲ့သွားလို့ တော်သေးတယ်” ဟု ကားတိုက်ခံရသူ လူငယ်အား လိုက်ပါပို့ဆောင်ပေးခဲ့သည့် တာချီလိတ်နာရေးကူညီမှုအသင်းမှ ဦးလှမိုးက ပြောသည်။

.

ယာဉ်တိုက်မှုကျူးလွန်ပြီး နယ်စပ်ဖြတ်ကျော်ထွက်ပြေးသည့် ယင်းထိုင်းနိုင်ငံသားကို ထိုင်းရဲမှ ဖမ်းဆီးပြီး မြန်မာနိုင်ငံ ဘက်သို့ လွှဲပြောင်းပေးအပ်နိုင်ရေးအတွက် မြန်မာ-ထိုင်းနယ်ခြားကော်မတီ (TBC) မှ တစ်ဆင့် တောင်းခံနေကြောင်း သိရသည်။

.

လက်ရှိတွင် ယင်းထိုင်းနိုင်ငံသားကို ထိုင်းဘက်၌ စစ်ဆေးနေဆဲဖြစ်ပြီး တာချီလိတ်ဘက်မှ အမှုဖွင့်၍ တောင်းခံလာ ပါက COVID-19 ရောဂါ ကာကွယ်ထိန်းချုပ်ရေးအတွက် ၁၄ ရက် စောင့်ကြည့်ပြီး မြန်မာနိုင်ငံဘက်သို့ လွှဲပြောင်း ပေးအပ်ရန် ရှိနေကြောင်း တာချီလိတ်ခရိုင်အုပ်ချုပ်ရေးမှူးရုံး၏ မြန်မာ-ထိုင်း ဆက်ဆံရေးတာဝန်ခံ ဦးထွန်း (မယ်ဆိုင်) ထံက သိရသည်။

.

ဓါတ်ပုံ - ဦးလှမိုး၊ ဦးထွန်း (မယ်ဆိုင်)

.

Journal Download

Photo of three cats