ကမ္ဘောဇတိုင်း
.
COVID-19 ပိုးတွေ့လူနာများ တွေ့ရှိမှုကြောင့် Stay
Home သတ်မှတ်ထားသည့် တောင်ကြီးမြို့၊ ရေအေးကွင်းရပ်ကွက် ရှိ ရှမ်းပြည်နယ်အကူရဲတပ်ဖွဲ့ခွဲ
(သီးသန့်ရဲစခန်း) ရှိ တပ်ဖွဲ့ဝင်နှင့် မိသားစုများအတွက် တောင်ကြီးမြို့နယ်ရဲတပ်ဖွဲ့မှူး
ရဲမှူးနေမျိုး၊ တောင်ကြီးမြို့မရဲစခန်းမှူး ဒုရဲမှူးထက်နိုင်ဟိန်းနှင့် တပ်ဖွဲ့ဝင်များက
ယမန်နေ့ ဇန်နဝါရီလ ၇ ရက်တွင် စားသောက်ကုန်များ သွားရောက်ထောက်ပံ့ လှူဒါန်းပေးခဲ့သည်ဟု
သိရသည်။
.
ထိုသို့ ထောက်ပံ့လှူဒါန်းရာတွင် သီးသန့်ရဲစခန်းဝင်းအတွင်းရှိ
တပ်ဖွဲ့ဝင်နှင့် မိသားစုများအတွက် ကြက်ဥအလုံး ၁၁၀၀၊ ခေါက်ဆွဲခြောက် ၁၉ ဖာတို့အား သွားရောက်လှူဒါန်းပေးခဲ့ခြင်းဖြစ်သည်ဟု
သိရသည်။
.
အဆိုပါ တောင်ကြီးမြို့၊ ပြည်နယ်အကူ
တပ်ဖွဲ့ခွဲမှူးရုံး (သီးသန့်ရဲစခန်းဝင်း) အတွင်း COVID-19 ပိုးတွေ့လူနာ
၁၀ ဦးခန့် တွေ့ရှိထားသည့်အတွက် ဇန်နဝါရီလ ၆ ရက် နံနက်ပိုင်းမှစတင်ကာ ရုံးပရိဝုဏ်တစ်ခုလုံးကို
ကြိုးတားပြီး ၁၄ ရက် အသွားအလာ ကန့်သတ်ထားခြင်းဖြစ်ကြောင်း သိရဿည်။
.
