ခွန်သန်းအောင်
.
တောင်ကြီးမြို့နယ်၊ ရွှေညောင်မြို့၊ တာယောတံတားအနီးတွင်
ယမန်နေ့ ဇန်နဝါရီလ ၁၀ ရက်၊ ညပိုင်းက အရှိန်မထိန်း နိုင်သော ဆိုင်ကယ်မှ လမ်းဘေးတွင်
ရပ်တန့်ထားသော ကားတစ်စီးအား ဝင်ရောက်တိုက်မိပြီး ဆိုင်ကယ်မောင်းနှင်သူ လွင့်စင်ထွက်ကျကာ
နောက်မှကားတစ်စီးဖြင့် ကြိတ်မိ သေဆုံးမှု ဖြစ်ပွားခဲ့ကြောင်း သိရသည်။
.
..
ယာဉ်မတော်တဆမှုကြောင့် ဆိုင်ကယ်မောင်းနှင်သူ ရဲနိုင်ထွန်းတွင်
နှာခေါင်းသွေးထွက်ဒဏ်ရာ၊ ဝဲနား သွေးထွက် ဒဏ်ရာ၊ ယာဂျိုစောင်း ဖုယောင်ဒဏ်ရာများရရှိပြီး
အခင်းဖြစ်နေရာတွင် သေဆုံးသွားခဲ့ကြောင်း သိရသည်။
.
အဆိုပါ ယာဉ်မတော်တဆမှုနှင့် ပတ်သက်၍ ဆိုင်ကယ်မဆင်မခြင်မောင်းနှင်ပြီး
လမ်း၏ယာဘက်တွင် ရပ်တန့်ထား သောယာဉ်အား ဝင်ရောက်တိုက်မိသူ ရဲနိုင်ထွန်းနှင့် ၎င်းအား
နောက်မှ ၁၂ ဘီးယာဉ်ဖြင့် ဝင်ရောက်ကြိတ်မိကာ သေဆုံးစေသူ ယာဉ်မောင်း အောင်လှိုင်တို့
၂ ဦးအား ရွှေညောင်နယ်မြေရဲစခန်းတွင် ယာဉ် (ပ)၃/၂၀၂၁၊ ရာဇသတ်ကြီး ပုဒ်မ ၂၇၉/၃၀၄(က) တို့ဖြင့်
အမှုဖွင့်အရေးယူဆောင်ရွက်လျက်ရှိကြောင်း သိရသည်။
.