ပင်လောင်းမြို့နယ်တွင် ဆောင်းခရမ်းချဉ်သီး တစ်ပိုင်တစ်နိုင်စိုက်ပျိုးမှု ဖြစ်ထွန်းအောင်မြင်သော်လည်း တင်ပို့ရောင်းချရန် ခက်ခဲနေ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ပင်လောင်းမြို့နယ်တွင် ဆောင်းခရမ်းချဉ်သီး တစ်ပိုင်တစ်နိုင်စိုက်ပျိုးမှု ဖြစ်ထွန်းအောင်မြင်သော်လည်း တင်ပို့ရောင်းချရန် ခက်ခဲနေ

ရဲမင်းပိုင် (ပင်လောင်း)

.

ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ပင်လောင်းမြို့နယ်၊ ကောက်လှိုင်းကျေးရွာတွင် ဆောင်းသီးနှံအဖြစ် တစ်ပိုင်တစ်နိုင် စိုက်ပျိုးထားသော ခရမ်းချဉ်သီးများ ဖြစ်ထွန်းအောင်မြင်လျက်ရှိသော်လည်း တင်ပို့ရောင်းချရန် ခက်ခဲနေကြောင်း သိရသည်။

.

.

အဆိုပါ ကောက်လှိုင်းကျေးရွာတွင် ဆောင်းသီးနှံအဖြစ် ခရမ်းချဉ်သီးနှင့် ပဲအမျိုးမျိုးတို့ကို ရေထွက်များအနီး၌ ရေသွင်း၍ တစ်ပိုင်တစ်နိုင် စိုက်ပျိုးကြခြင်းဖြစ်ကြောင်း သိရသည်။

.

“ပြီးခဲ့တဲ့နှစ်တွေက ဆောင်းရာသီမှာ ခရမ်းချဉ်သီးတွေကို မစိုက်ဖူးဘူး။ အခုနှစ်မှ စမ်းစိုက်ကြည့်တာ။ အခုချိန်မှာက ခရမ်းချဉ်သီးတွေ ဈေးကောင်းမရဘူး။ သယ်ယူစရိတ်တွေလည်း မြင့်မားတဲ့အတွက်ကြောင့် တစ်ဆင့်ခံပွဲစားတွေကိုပဲ အားထားပြီးရောင်းချနေရတယ်။ အခုဆောင်းရာသီ က စမ်းစိုက်တဲ့ ခရမ်းချဉ်ပင်တွေ အောင်မြင်ဖြစ်ထွန်းပေမဲ့ အသီးသီးပြီး ခူးဆွတ်ချိန်မှာ ဈေးကောင်းမျှော်လင့်ရပါတယ်” ဟု ခရမ်းချဉ်စိုက်တောင်သူတစ်ဦးက ပြောသည်။

.

အဆိုပါ စိုက်ပျိုးထွက်ရှိသည့် သီးနှံများကို ပင်လောင်းမြို့နယ်အတွင်းရှိ ဈေးများအပြင် အောင်ပန်းမြို့အထိ သယ်ယူပြီး  ရောင်းချကြရပြီး သီးနှံများအောင်မြင်ဖြစ်ထွန်းသော်လည်း မြို့ကြီးများသို့ တင်ပို့ရန် အခက်အခဲရှိသောကြောင့် ဈေးကောင်းရရှိရန် မျှော်လင့်နေရကြောင်း တောင်သူများထံမှ သိရသည်။

.

Journal Download

Photo of three cats