နန်းစီဖောင်း
.
တာချီလိတ်ခရိုင်၊ မိုင်းယောင်းမြို့နယ်တွင် COVID-19
ရောဂါ ကာကွယ်ထိန်းချုပ်ရေးကာလအတွင်း ရွေ့လျားစနစ်ဖြင့် ရပ်ကွက်/ကျေးရွာများအရောင်း
လှည့်လည်ဈေးရောင်းချသူများ အဆင်ပြေလျက်ရှိကြောင်း သိရသည်။
.
“ကျွန်တော်တို့က မနက်စောစောထပြီး
ဈေးမှာရောင်းချနေတဲ့ ဈေးကနေတစ်ဆင့် စားဖိုဆောင် ဟင်းသီးဟင်းရွက် တွေဖြစ်တဲ့
မုန်ညှင်း၊ နံနံ၊ ဆလပ်ရွက်နဲ့ တခြားသီးနှံတွေ၊ အသား၊ ငါးနဲ့ အသင့်စား သရေစာတွေဖြစ်တဲ့
ခေါက်ဆွဲ ကြော်၊ ကောက်ညှင်းပေါင်းတွေဝယ်ပြီး ဆိုင်ကယ်နဲ့ ရွာတွေကို လိုက်ရောင်းတာပါ။
အခု COVID-19 ရောဂါ ကာကွယ် ထိန်းချုပ်ရေးကာလအတွင်းမှာ ပိုရောင်းရပါတယ်။
နေ့စဉ် ဝင်ငွေရနေလို့ မိသားစု စားဝတ်နေရေး အဆင်ပြေပါတယ်” ဟု ရွေ့လျားဈေးသည်တစ်ဦးက ပြောသည်။
.
မိုင်းယောင်းမြို့နယ်တွင် COVID-19 ရောဂါကာကွယ်ထိန်းချုပ်ရေးကာလအတွင်း ပြည်သူများအား မလိုအပ်ဘဲ
အပြင်မထွက်ရန်၊ အပြင်ထွက်ပါက နှာခေါင်းစည်းတပ်ရန် တိုက်တွန်းနှိုးဆော်လျက်ရှိရာ
ပြည်သူများအနေဖြင့် အဆိုပါရွေ့လျားဈေးသည်များထံမှ လတ်ဆတ်သော
ဟင်းသီးဟင်းရွက်များနှင့် အသား၊ ငါးများကို အိမ်အရောက် ဝယ်ယူနိုင်သဖြင့် ဈေးသည်နှင့်
ဈေးဝယ် နှစ်ဦးနှစ်ဘက် အဆင်ပြေလျက်ရှိကြောင်း သိရသည်။
.
