ရှမ်းပြည်နယ်တရားလွှတ်တော် တရားသူကြီးချုပ် မိုင်းတုံရဲစခန်းအား စစ်ဆေး

မင်းဇော်မင်း

.

ရှမ်းပြည်နယ်တရားလွှတ်တော် တရားသူကြီးချုပ် ဦးကြွယ်ကြွယ်သည် မိုင်းဆတ်ခရိုင် တရားသူကြီးနှင့် မိုင်းတုံ၊ မိုင်းဆတ်မြို့နယ် တရားသူကြီးများ လိုက်ပါလျက် ယမန်နေ့ ဇန်နဝါရီလ ၁၁ ရက်က မိုင်းဆတ် ခရိုင်၊ မိုင်းတုံမြို့မရဲစခန်းအား ရောက်ရှိစစ်ဆေးခဲ့ကြောင်း သိရသည်။

.

.

ထိုသို့ စစ်ဆေးရာတွင် ပြည်ထောင်စုတရားစီရင်ရေးဥပဒေ ပုဒ်မ ၆၈ အရ အချုပ်ခန်းဝင်ဆံ့မှု မျှတမှု ရှိ/မရှိ၊ အမှုများ ကြန့်ကြာမှု ရှိ/မရှိ၊ အချုပ်သားများ၏ ကျန်းမာရေးအခြေအနေ၊ အချုပ်ခန်း ကောင်းမွန်ခိုင်လုံမှု၊ လေဝင်လေထွက် ကောင်းမွန်မှု၊ အစား အသောက်နှင့် ရေရရှိမှုစသည်တို့ကို စစ်ဆေးပြီး တွေ့ရှိချက်များကို မှတ်ပုံတင် ၃ (ခ)၊ (ဂ) တို့တွင် ရေးသွင်းခဲ့ကြောင်း သိရသည်။

.

“အချုပ်သားတွေ ရေမှန်မှန်ချိုးနိုင်ဖို့၊ ကျန်းမာရေး ဂရုစိုက်ပေးဖို့ တွေကိုလည်း တရားသူကြီးချုပ်က မှာကြားခဲ့ပါတယ်” ဟု မိုင်းတုံမြို့မရဲစခန်းမှူး ဒုရဲမှူး ကိုကိုဇော်က ကမ္ဘောဇတိုင်းသို့ ပြောသည်။

.

ထို့နောက် ရှမ်းပြည်နယ်တရားလွှတ်တော် တရားသူကြီးချုပ်သည် မိုင်းတုံမြို့မရဲစခန်းတွင် လိုအပ်သည်များ အသုံးပြု နိုင်ရန်အတွက် PPE ဝတ်စုံ ၅ စုံအား ထောက်ပံ့ပေးအပ်ခဲ့သည်ဟု သိရသည်။

.