မူဆယ်မြို့နယ်တွင် တရားမဝင်သစ်များ တင်ဆောင်ထားသော ယာဉ်တစ်စီးကို ပိုင်ရှင်မဲ့ ဖမ်းမိ

ကမ္ဘောဇတိုင်း

.

မူဆယ်မြို့နယ်တွင် ဇန်နဝါရီလ ၂၁ ရက်၊ ညနေပိုင်းက တရားမဝင်သစ်များ တင်ဆောင်ထားသော လိုင်စင်မဲ့ မော်တော်ယာဉ်တစ်စီးအား ပိုင်ရှင်မဲ့ သိမ်းဆည်းရမိခဲ့ကြောင်း တပ်မတော်သတင်းမှန် ပြန်ကြားရေးအဖွဲ့က သတင်းထုတ်ပြန်ကြေညာထားသည်။

.

.

မူဆယ်မြို့နယ်၊ နောင်ရမ်းကျေးရွာအနီး မသင်္ကာဖွယ်ယာဉ် တစ်စီး ရပ်တန့်ထားကြောင်း သတင်းအရ ဇန်နဝါရီလ၂၁ ရက် ညနေ ၅ နာရီအချိန်ခန့်တွင် သစ်တောဦးစီးဌာနမှ တာဝန်ရှိသူများ နှင့်  လုံခြုံရေးတပ်ဖွဲ့ဝင်များပူးပေါင်း၍ သွားရောက်စစ်ဆေးခဲ့ရာ ဟုန်ဟိုက် အမျိုးအစား အနီရောင် ၆ ဘီး လိုင်စင်မဲ့ မော်တော်ယာဉ်တစ်စီးနှင့်အတူ ယာဉ်ပေါ်မှ စားသောက်ကုန်ပစ္စည်းများဖြင့် ဖုံးအုပ်ထားသော တရားမဝင် ပိတောက် သစ် ၀ ဒသမ ၅၉၁၀ တန်ခန့်နှင့် တမလန်း သစ် ၁ ဒသမ ၇၉၉၈ တန်ခန့်၊ စုစုပေါင်း ကာလတန်ဖိုးခန့်မှန်း ၄၇ သိန်းကျပ်ခန့်အား ပိုင်ရှင်မဲ့ သိမ်းဆည်း ရမိခဲ့ခြင်း ဖြစ်ကြောင်း သိရသည်။

.

အဆိုပါ ဖမ်းဆီရမိ တရားမဝင်သစ်များနှင့် မော်တော်ယာဉ်အား မူဆယ်မြို့၊ သစ်တောဦးစီး ဌာနသို့ လုပ်ထုံးလုပ်နည်း နှင့်အညီ စနစ်တကျ လွှဲပြောင်းအပ်နှံခဲ့ကြောင်း တပ်မတော်သတင်းမှန်ပြန်ကြားရေးအဖွဲ့၏ ထုတ်ပြန်ချက်တွင် ဖော်ပြပါရှိသည်။

.