တာချီလိတ်မှ ထွက်ခွာလာသည့် ဆေးထောက်ခံစာမပါရှိသော ရွှေ့ပြောင်းလုပ်သား ၃၁ ဦးကို မကွေးသို့ ဆက်လက် ပို့ဆောင် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တာချီလိတ်မှ ထွက်ခွာလာသည့် ဆေးထောက်ခံစာမပါရှိသော ရွှေ့ပြောင်းလုပ်သား ၃၁ ဦးကို မကွေးသို့ ဆက်လက် ပို့ဆောင်

စုလှိုင်

.

တာချီလိတ်မြို့မှ မကွေးမြို့သို့ ထွက်ခွာလာသည့် ဆေးထောက်ခံချက် မပါရှိသော ရွှေပြောင်းလုပ်သား ၃၁ ဦးကို ယမန်နေ့ ဇန်နဝါရီလ ၁၅ ရက်၊ ညပိုင်းက တောင်ကြီးမြို့တွင် စိစစ်လက်ခံပြီး မကွေးသို့ ဆက်လက်လွှဲပြောင်း ပို့ဆောင်ပေးခဲ့သည်ဟု သိရသည်။

.

.

“ညက ချက်ချင်းပဲ ကားချိန်းပြီး လွှတ်ပေးလိုက်တယ်။ ဒီမှာ မထားပါဘူး။ မကွေးကို ကားငှားလာတာပါ။ ဒီရောက် တော့ ရှမ်းမြေလတ်ကား ၃ စီးနဲ့ မကွေးကို ဆက်ပို့လိုက်ပါတယ်။ ရပ်ကွက်/ကျေးရွာ ထောက်ခံချက်တော့ ပါတာပေါ့။ ဆေးထောက်ခံစာ မပါတာပါ” ဟု ယင်းရွှေပြောင်းအလုပ်သမားများအား စိစစ်လက်ခံပြီး မကွေးသို့ ပို့ဆောင်ပေးရာတွင် ကူညီဆောင်ရွက်ခဲ့သူ ရွှေတောင်ရပ်ကွက်အုပ်ချုပ်ရေးမှူး ဦးသန်းရွှေက ကမ္ဘောဇတိုင်းသို့ ပြောသည်။

.

အဆိုပါ ရွှေ့ပြောင်းအလုပ်သမား ၃၁ ဦးမှာ မကွေးတိုင်းဒေသကြီးမှ ဖြစ်ကြပြီး မကွေးသို့ ဆက်လက်ထွက်ခွာနိုင်ရေး အတွက် ရကကအဖွဲ့များနှင့် ချိတ်ဆက်၍ လိုအပ်သည်များကို စီစဉ်ဆောင်ရွက်ပေးခဲ့ကြောင်း တောင်ကြီးမြို့နယ် အုပ်ချုပ်ရေးမှူး ဦးဖြိုးမင်းထိုက် ထံက သိရသည်။

.

“တာချီလိတ်ကနေ တောင်ကြီးကိုလာတယ်။ မကွေးကို သွားမယ်ဆိုပြီး လာတဲ့ပုံစံမဟုတ်ဘူးလို့တော့ သိရတယ်။ ရှမ်းပြည်နယ်အတွင်းမှာတော့သွားလာ ခွင့်ပေးထားတယ်။ ဒီကာလထဲမှာ ရွှေ့ပြောင်းလုပ်သားတွေက ရှိနေတော့ သူတို့အတွက်ကိုလည်း ထည့်စဉ်းစားပေးရတယ်။ အရေးယူတာတော့ မရှိပါဘူး။ အဓိက ကတော့ တောင်ကြီးမှာ သောင်မတင်နေအောင်ပဲ ရည်ရွယ်ပြီး ဟိုဘက် ကို ဆက်ပြီး ပို့ဆောင်လိုက်တဲ့ သဘောပါ” ဟု ဦးဖြိးမင်းထိုက်က ပြောသည်။

.

လက်ရှိကာလတွင် ရှမ်းပြည်နယ်အတွင်းသို့ ရွှေ့ပြောင်းလုပ်သား ဝင်ထွက်မှုများ ရှိနေပြီး ယင်းအလုပ်သမားများ၏ အလုပ်အကိုင်အခွင့်အလမ်းမထိခိုက်စေရေးအတွက် ရှမ်းပြည်နယ်အတွင်း သွားလာခွင့် ပြုထားကာ ယခု ရွှေ့ပြောင်း လုပ်သားများမှာလည်း ခိုးသယ်လာသည့် ပုံစံမျိုး မဟုတ်ကြောင်း ၎င်းက ဆက်လက်ပြောဆိုခဲ့သည်။

.

COVID-19 ပထမလှိုင်းကာလမှ စတင်၍ နယ်စပ်ဒေသအသီးသီးမှ ပြည်တွင်းသို့ ပြန်လည် ဝင်ရောက်လာသည့် ရွှေ့ပြောင်းလုပ်သားများကို ကျန်းမာရေးနှင့် အားကစားဝန်ကြီးဌာန၏ လမ်းညွှန် ချက်များနှင့်အညီ တောင်ကြီးမြို့တွင် စိစစ်လက်ခံပြီး သက်ဆိုင်ရာ နေရပ်အသီးသီးသို့ ပြန်လည်စေလွှတ်ပေးလျက်ရှိကြောင်း သိရသည်။

.

Journal Download

Photo of three cats