စိုင်းအောင်မြတ် (တောင်ကြီး)
.
တောင်ကြီးမြို့နယ်၊ ရွှေညောင်မြို့၊ ဒက္ခိဏာရာမကျောင်းတိုက်တွင်
ယနေ့ ဇန်နဝါရီလ ၉ ရက်၊ နံနက်ပိုင်းက ကမ္ဘောဇဘဏ်မှ ရွှေညောင်မြို့ရှိ ပရဟိတကွန်ရက်အဖွဲ့သို့
ရေသယ်ယာဉ်တစ်စီး ပေးအပ်လှူဒါန်းခဲ့ကြောင်း သိရသည်။
.
မကြာမီ ဆောင်းရာသီကုန်ဆုံး၍ နွေရာသီကလ ရောက်ရှိတော့မည်ဖြစ်ရာ
ရွှေညောင်မြို့ပေါ်နှင့် ပတ်ဝန်းကျင် ကျေးရွာများတွင် သောက်သုံးရေအခက်အခဲ ဖြစ်ပေါ်လာပါက
ပြေလည်စေရန် ရည်ရွယ်၍ ယင်းကဲ့သို့ လှူဒါန်းခဲ့ခြင်း ဖြစ်ကြောင်း သိရသည်။
.
လှူဒါန်းပွဲတွင် ရှမ်းပြည်နယ်တောင်ပိုင်း ပရဟိတကွန်ရက်
နာယက ဦးသိန်းဦးက အဖွင့်အမှာစကား ပြောကြားခဲ့ပြီး ကမ္ဘောဇဘဏ်မှ ညွှန်ကြားရေးမှူး ဦးခင်အောင်၊
မန်နေဂျာ ဒေါ်စန္ဒာဝင်းနှင့် အဖွဲ့က ရွှေညောင်မြို့၊ ပရဟိတကွန်ရက် အဖွဲ့ နာယက ဦးစံရွှေထံသို့
ငွေကျပ် သိန်း ၄၅၀ ကျော် တန်ဖိုးရှိ ရေသယ်ယာဉ်အား ပေးအပ်လှူဒါန်းခဲ့ကြောင်း သိရသည်။
.
ထို့နောက် ရှမ်းတောင်ပရဟိတကွန်ရက်နာယက ဦးသိန်းဦးက
အလှူရှင်မိသားစုအား ဂုဏ်ပြုမှတ်တမ်းလွှာ ပြန်လည် ပေးအပ်ခဲ့ပြီး ရွှေညောင်မြို့၊ ပရဟိတကွန်ရက်အဖွဲ့
နာယက ဦးစံရွှေ က ကျေးဇူးတင်စကား ပြောကြားကာ စုပေါင်း မှတ်တမ်းဓါတ်ပုံ ရိုက်ကူးခဲ့ကြောင်း
သိရသည်။
.
အခမ်းအနားသို့ ကမ္ဘောဇဘဏ်လီမိတက်မှ တာ၀န်ရှိသူများ၊
ရွှေညောင်ပရဟိတကွန်ရက်မှ တာ၀န်ရှိသူများ၊ ရွှေညောင်မြို့အုပ်ချုပ်ရေးမှူးနှင့် ရပ်မိရပ်ဖများ
တက်ရောက်ခဲ့ကြောင်း သိရသည်။
.
