.
ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်မြို့၊ အောင်ချမ်းသာရပ်ကွက်ရှိ အသက်(၈၅)နှစ်အထက် သက်ကြီးဘိုးဘွား ၄ ဦးအား နိုင်ငံတော်မှ ထောက်ပံ့ပေးအပ်သော လူမူရေးပင်စင် ထောက်ပံ့ငွေများကို ဇန်နဝါရီ ၁ ရက်၊ နံနက် ၉ နာရီက အိမ်တိုင်ရာအရောက် သွားရောက်ထောက်ပံ့ပေးခဲ့ကြောင်း သိရသည်။
.
ဆီဆိုင်မြို့၊ အောင်ချမ်းသာရပ်ကွက်မှ အဘိုး ၁ ဦးနှင့် အဘွား ၃ ဦးတို့အား တစ်ဦးလျှင် ငွေကျပ် ၃၀၀၀၀ နှုန်းဖြင့် ရပ်ကွက်အုပ်ချုပ်ရေးမှူး ဦးစံဝင်းမောင်နှင့် တာဝန်ရှိသူများက အိမ်တိုင်ရာရောက် သွားရောက် ထောက်ပံ့ပေးအပ်ခြင်း ဖြစ်သည်။
.
အသက် ၈၅ နှစ်အထက် သက်ကြီးအဘိုး အဘွားများအား နိုင်ငံတော်မှ လူမူရေးပင်စင် အဖြစ် တစ်လလျှင် ငွေကျပ် တစ်သောင်းနှုန်းဖြင့် ၃ လ တစ်ကြိမ် ထောက်ပံ့ပေးနေခြင်း ဖြစ်ကြောင်း သိရသည်။
