အသွားအလာ ကန့်သတ်ခံထားရသည့် ရဲတပ်ဖွဲ့ဝင်နှင့် မိသားစုဝင်များအတွက် ရှမ်းပြည်နယ်ပြည်သူလူထု စားနပ်ရိက္ခာထောက်ပံ့ရေးကော်မတီက လှူဒါန်းမှုများ ပြုလုပ် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, January 1, 2021

အသွားအလာ ကန့်သတ်ခံထားရသည့် ရဲတပ်ဖွဲ့ဝင်နှင့် မိသားစုဝင်များအတွက် ရှမ်းပြည်နယ်ပြည်သူလူထု စားနပ်ရိက္ခာထောက်ပံ့ရေးကော်မတီက လှူဒါန်းမှုများ ပြုလုပ်

တောင်ကြီးမြို့ အမှတ်(၁၈)ယာဉ်ထိန်းရဲ ဒုတပ်ဖွဲ့ခွဲမှူးရုံးမှ COVID-19 ပိုးတွေ့သူ ယာဉ်ထိန်း ရဲတပ်ဖွဲ့ဝင် ၁၈ ဦး၊ မိသားစုဝင် ၄ ဦးနှင့် အသွားအလာ ကန့်သတ်ခံထားရသူ စုစုပေါင်း ၅၀ ဦးအတွက် ရှမ်းပြည်နယ် ပြည်သူလူထု စားနပ်ရိက္ခာထောက်ပံ့ရေးကော်မတီက ယနေ့ ဇန်နဝါရီလ ၁ ရက်၊ နံနက်ပိုင်းတွင် လှူဒါန်းမှုများ ပြုလုပ်ခဲ့ကြောင်း သိရသည်။

.

 

“ စုစုပေါင်း ၅၀ စာအတွက် လှူဒါန်းခဲ့ပါတယ်။ ပိုးတွေ့သူတွေရော၊ မိသားစုဝင်တွေ အတွက်ရော အကုန် လှူတာပါ။ လှူတာက ဆန်၊ ဆီ၊ ဆား၊ ရေသန့်၊ အချိုရည်၊ လက်သန့်ဆေး စုစုပေါင်း ၆ မျိုး ပါဝင်ပါတယ်။ သီးသန့်ရဲစခန်းကိုလည်း ညနေမှာ လှူဖို့ ရှိပါမယ်။ စုစုပေါင်း အိမ်ထောင်စု ၁၅၅ အတွက် ဖြစ်ပါတယ်။”ဟု ရှမ်းပြည်နယ်ပြည်သူလူထု စားနပ်ရိက္ခာ ထောက်ပံ့ရေးကော်မတီမှ ဦးသူရစောသိန်းက ကမ္ဘောဇတိုင်းသို့ ပြောသည်။

.

ထို့အတူ COVID-19 ပိုးတွေ့သူများနှင့် ထိတွေ့၊ ဆက်စပ်မှု ရှိခြင်းကြောင့် အသွားအလာ ကန့်သတ်ခြင်း ခံထားရသည့် ပြည်နယ်အကူ တပ်ဖွဲ့ခွဲမှူးရုံး (သီးသန့်ရဲစခန်း)မှ အိမ်ထောင်စု ၁၃၅ ကိုလည်း ယနေ့ ညနေပိုင်းတွင် ဆက်လက်လှူဒါန်းမှုများ ပြုလုပ်သွားမည် ဖြစ်ကြောင်း သိရသည်။

.


ပြီးခဲ့သည့် ၂၀၂၀ ပြည့်နှစ်၊ ဒီဇင်ဘာလ ၃၀ ရက်တွင် အမှတ်(၁၈)ယာဉ်ထိန်းရဲ ဒုတပ်ဖွဲ့ခွဲမှူးရုံးမှ တပ်ဖွဲ့ဝင်/မိသားစုဝင် ၂၂ ဦးတွင် COVID-19 ပိုးတွေ့ရှိခဲ့သဖြင့် အဆိုပါရုံးနှင့် ပြည်နယ်အကူ တပ်ဖွဲ့ခွဲမှူးရုံးတို့အား အသွားအလာ ကန့်သတ်ထားကြောင်း သိရသည်။

No comments:

Post a Comment

Journal Download

Photo of three cats