စုလှိုင်
.
ကလောမြို့နယ်၊ နန့်ပန်တက်ကျေးရွာ ကျန်းမာရေးစစ်ဆေးရေးဂိတ်တွင်
ယနေ့ ဇန်နဝါရီလ ၉ ရက်က ယာဉ်မောင်းနှင့် ယာဉ်နောက်လိုက် ၂ ဦးထံမှ COVID-19 ရောဂါပိုး တွေ့ရှိခဲ့ကြောင်း သိရသည်။
.
.
“ဒီနေ့ ပိုးတွေ့တာ ၂ ဦး ရှိသွားပါပြီ။ သူတို့က
မန္တလေးကနေ တောင်ကြီး ကိုသွားကြမှာပါ” ဟု နန့်ပန်တက် စစ်ဆေးရေးဂိတ် တာဝန်ကျ ကလောမြို့နယ်
ပြည်သူ့ဆေးရုံမှ ဒေါက်တာ စောမြတ်သစ္စာ က ကမ္ဘောဇတိုင်းသို့ ပြောသည်။
.
အဆိုပါ COVID-19
ပိုးတွေ့ရှိခဲ့သော အမျိုးသား ၂ ဦး သည် မန္တလေးမြို့မှ တောင်ကြီးမြို့သို့သွားရောက်မည့်
ကုန်တင်ယာဉ်မှ အသက် ၂၇ နှစ် အရွယ် ယာဉ်နောက်လိုက်နှင့် အသက် ၃၈ နှစ်အရွယ် ယာဉ်မောင်းတို့ဖြစ်ပြီး
ကုန်တင်ယာဉ် တစ်စီးစီဖြင့် သီးခြားစီ လာရောက်ကြခြင်းဖြစ်ကြောင်း သိရသည်။
.
ယင်းပိုးတွေ့လူနာများကို ကလောပြည်သူ့ဆေးရုံတွင် ဆေးကုသမှု
ပေးသွားမည်ဖြစ်ပြီး ၎င်းတို့နှင့် ထိတွေ့ခဲ့သူများကို ကလောမြို့ရှိ ဓမ္မယာန Quarantine
Center သို့ ပို့ဆောင်သွားမည်ဖြစ်ကြောင်း သိရသည်။
.
