■ ရှမ်းပြည်နယ်အစိုးရ၊ စာပေးစာယူဌာနမှ ဝန်ထမ်းတစ်ဦးတွင် COVID-19 ပိုး တွေ့ရှိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, January 8, 2021

■ ရှမ်းပြည်နယ်အစိုးရ၊ စာပေးစာယူဌာနမှ ဝန်ထမ်းတစ်ဦးတွင် COVID-19 ပိုး တွေ့ရှိ

ကမ္ဘောဇတိုင်း

.

တောင်ကြီးမြို့၊ ရှမ်းပြည်နယ်အစိုးရ၊ စာပေးစာယူဌာနမှ ဝန်ထမ်းတစ်ဦးတွင် ယနေ့ ဇန်နဝါရီလ ၈ ရက်က COVID-19 ရောဂါပိုး တွေ့ရှိခဲ့ကြောင်း ရှမ်းပြည်နယ် ကုသရေးနှင့် ပြည်သူ့ကျန်းမာရေးဦးစီးဌာနမှ သိရသည်။

.




“တစ်ယောက် အနံ့ပျောက်တယ် ဆိုတာနဲ့ အနံ့ပျောက်သူရော သူ့ရဲ့ Contact ရော ၅ ယောက်ကို စစ်လိုက်တာ။ အနံ့ပျောက်သူမှာတော့ ပိုး မတွေ့ဘူး၊ Contact တစ်ယောက်မှာတော့ ပိုးတွေ့တယ်။ စာပေးစာယူဌာနကလို့တော့ သိရတယ်”ဟု ရှမ်းပြည်နယ် ကုသရေးနှင့် ပြည်သူ့ကျန်းမာရေးဦးစီးဌာနမှူး ဒေါက်တာ သူဇာချစ်တင်က ပြောသည်။

.

ထို့အတူ ရှမ်းပြည်နယ်အစိုးရအဖွဲ့ အတွင်းရေးမှူး ဦးနေလင်း ကလည်း “ပိုးတွေ့တာ ဟုတ်ပါတယ်။ ထိတွေ့မှု ရှိသူတွေကိုတော့ လိုက်ပြီး စစ်နေတယ်။ ဆက်စပ်သူ အကုန်လုံးကို အထက (၅)မှာ Quarantine သွင်းဖို့ လုပ်နေပြီ။ ဆက်စပ်သူက ၂၀ လောက်တော့ ရှိနိုင်မယ်၊ အသုတ်လိုက် စစ်နေပါပြီ။ ”ဟု အတည်ပြု ပြောဆိုခဲ့သည်။

.

ရှမ်းပြည်နယ်အစိုးရ၊ စာပေးစာယူဌာနမှ အမျိုးသမီး ဝန်ထမ်းတစ်ဦးသည် အနံ့ပျောက်သည်ဟု သိရသဖြင့် ရုံး တက်ရောက်စေခြင်း မပြုဘဲ Quarantine ဝင်ရောက်စေပြီးနောက် ယင်းဌာနမှ ဝန်ထမ်းများအား ဇန်နဝါရီလ ၈ ရက်၌ စစ်ဆေးစဉ် တစ်ဦးတွင် COVID-19 ပိုးတွေ့ခြင်း ဖြစ်ကြောင်း သိရသည်။

.


No comments:

Post a Comment

Journal Download

Photo of three cats

About