COVID-19 အတည်ပြုလူနာ အသစ် ၇၁၁ ဦး (ရှမ်း​တောင်မှ ၁၁ ဦး ပါ) တွေ့ရှိ၍ ​သေဆုံးသူ ၁၃ ဦး ထပ်တိုး

COVID-19 ပိုး​​တွေ့ အတည်ပြုလူနာ အသစ် ၇၁၁ ဦး  (ရှမ်း​တောင်မှ ၁၁ ဦး ပါ) တွေ့ရှိပြီး ​ထပ်မံ သေဆုံးသူ ၁၃ ဦး ရှိကြောင်း ကျန်းမာရေးနှင့် အားကစားဝန်ကြီးဌာန၏ ယနေ့ (​ဇန်နဝါရီလ ၈ ရက်)၊ ည ၈ နာရီက ထုတ်ပြန်ချက်အရ သိရသည်။

.

ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)၌ PCR စက်ဖြင့် စစ်​ဆေးခဲ့သည့် ဓါတ်ခွဲနမူနာများအနက် ရှမ်းပြည်နယ်​တောင်ပိုင်း ရွာငံမြို့နယ်၌ ၂ ဦး၊ တီကျစ်မြို့၌ ၁ ဦး၊ ဟဲဟိုးမြို့၌ ၁ ဦး၊ ​​​​ပေါင်း ၄ ဦးနှင့် ကယားပြည်နယ်၌ ၂ ဦးတွင် COVID-19 ပိုးတွေ့ ကြောင်း ပြည်သူ့ကျန်းမာ​ရေး ဓါတ်ခွဲမှုဆိုင်ရာဌာန(​PHL-တောင်ကြီး)မှ ထုတ်ပြန်ခဲ့သည်။

.

ထို့အတူ ရှမ်းပြည်နယ်​တောင်ပိုင်းတွင် ဇန်နဝါရီလ ၇ ရက်၊ ​နေ့လယ် ၁၁ နာရီမှ ဇန်နဝါရီလ ၈ ရက် ​နေ့လယ် ၁၁ နာရီထိ RDT ဖြင့် စစ်​ဆေးခဲ့သည့် ဓါတ်ခွဲနမူနာများအနက် ​​​က​လောမြို့နယ်၌ ၂ ဦး၊ ရပ်​စောက်မြို့နယ်၌ ၅ ဦး၊ စုစု​ပေါင်း ၇ ဦးတွင် COVID-19 ပိုး​တွေ့ခဲ့​ကြောင်း ရှမ်းပြည်နယ် ကုသ​ရေးနှင့် ပြည်သူ့ကျန်းမာ​ရေးဦးစီးဌာနက ထုတ်ပြန်ထားသည်။

.

မြန်မာနိုင်ငံတွင် ၂၀၂၀ ပြည့်နှစ်၊ မတ်လ ၂၃ ရက်မှ ယနေ့ (​ဇန်ဝါရီလ ၈ ရက်)၊ ည ၈ နာရီထိ COVID-19 ပိုးတွေ့ အတည်ပြုလူနာ ၁၂၉၄၈၃ ဦး ရှိကာ၊ ယင်းအနက် ၂၈၁၂ ဦး သေဆုံး၍ ၁၁၂၈၇၆ ဦးမှာ ပြန်လည် သက်သာ၍ ​ဆေးရုံမှ ဆင်းခွင့်ရပြီ ဖြစ်​ကြောင်း သိရသည်။