စုလှိုင်
.
တောင်ကြီးမြို့မဈေးအတွင်း သစ်သီးရောင်းချသူ အမျိုးသားတစ်ဦးထံမှ
ယနေ့ ဇန်နဝါရီလ ၇ ရက်က COVID-19 ရောဂါပိုး တွေ့ရှိခဲ့ကြောင်း
သိရသည်။
.
အဆိုပါ ပိုးတွေ့လူနာ အမျိုးသားသည် ယမန်နေ့ ဇန်နဝါရီလ
၆ ရက်က အနံ့မရသဖြင့် တောင်ကြီးမြို့၊ စဝ်စံထွန်းဆေးရုံ သို့ သွားရောက်၍ ဆေးကုသမှုခံယူပြီး
ဓါတ်ခွဲနမူနာ ရယူစစ်ဆေးမှု ခံယူရာမှ COVID-19 ရောဂါပိုး တွေ့ရှိခဲ့ခြင်းဖြစ်
ကြောင်း တောင်ကြီးမြို့၊ ရွှေတောင်ရပ်ကွက် အုပ်ချုပ်ရေးမှူး ဦးသန်းရွှေ ထံက သိရသည်။
.
“အခုလောလောဆယ် သူနဲ့ ဆက်စပ်သူတွေ၊ သစ်သီးပွဲရုံတွေကို
လိုက်နေပါတယ်” ဟု ဦးသန်းရွှေက ပြောသည်။
.
ယင်းပိုးတွေ့လူနာ အမျိုးသား၏ မိသားစုဝင် ၅ ဦးအား
တောင်ကြီးမြို့၊ အထက (၁) Quarantine Center သို့ ပို့ဆောင် ထားပြီး
ကျန် ဆက်စပ်သူများကိုလည်း ရှာဖွေဖော်ထုတ်လျက်ရှိကြောင်း သိရသည်။
.
