စုလှိုင်
.
ကလောမြို့နယ်၊ နန့်ပန်တက်ကျေးရွာ ကျန်းမာရေးစစ်ဆေးရေးဂိတ်တွင်
ယနေ့ ဇန်နဝါရီလ ၁၀ ရက်က ရန်ကုန်တိုင်း ဒေသကြီးမှ ရှမ်းပြည်နယ်တောင်ပိုင်းသို့ ဝင်ရောက်လာသည့်
ယာဉ်နောက်လိုက် တစ်ဦးထံမှ COVID-19 ရောဂါပိုး တွေ့ရှိခဲ့ ကြောင်း
သိရသည်။
.
“Positive တစ်ယောက် တွေ့ပါတယ်။
Contact က ၂ ယောက်ပါပါတယ်။ ရန်ကုန်ကပါ” ဟု နန့်ပန်တက် ကျန်းမာရေး
စစ်ဆေးရေးဂိတ် တာဝန်ကျ ကလောပြည်သူ့ဆေးရုံမှ ဒေါက်တာ စောမြတ်သစ္စာက ကမ္ဘောဇတိုင်းသို့
ပြောသည်။
.
အဆိုပါ ပိုးတွေ့လူနာသည် ရန်ကုန်မြို့မှ တောင်ကြီးမြို့သို့
ထွက်ခွာလာသည့် JJ Express ခရီးသည်ပို့ဆောင်ရေး ယာဉ်လိုင်းမှ အသက်
၂၂ နှစ်အရွယ် ယာဉ်နောက်လိုက်တစ်ဦးဖြစ်ပြီး ရန်ကုန်တိုင်းဒေသကြီး၊ မြောက်ဥက္ကလာပ မြို့နယ်တွင်
နေထိုင်သူဖြစ်ကြောင်း သိရသည်။
.
ပိုးတွေ့လူနာကို ကလောပြည်သူ့ဆေးရုံရှိ သီးသန့်ကုသဆောင်တွင်
ဆေးကုသပေးလျက်ရှိပြီး ၎င်းနှင့် ထိတွေ့ခဲ့သည့် အသက် ၃၅ နှစ်အရွယ် ယာဉ်မောင်းနှင့် အသက်
၃၄ နှစ်အရွယ် ယာဉ်နောက်လိုက်တို့ ၂ ဦးအား ကလောမြို့ရှိ ဓမ္မယာန Quarantine
Center သို့ ပို့ဆောင်သွားမည်ဖြစ်ကြောင်း သိရသည်။
.
