စိုင်းသိင်္ခသူ
.
UWSA ထိန်းချုပ်ရာ “ဝ” အထူးဒေသအတွင်း ဇန်နဝါရီလ
၁၇ ရက်၊ နေ့လယ်ပိုင်းအထိ COVID-19 အတည်ပြုလူနာ စုစုပေါင်း
၂၉၉ ဦးအထိ ရှိလာပြီဖြစ်ကြောင်း ဒေသဆိုင်ရာ COVID-19 ရောဂါ ကာကွယ်ထိန်းချုပ်ရေးအဖွဲ့၏
ထုတ်ပြန် ချက်အရ သိရသည်။
.
ပြီးခဲ့သည့် ဇန်နဝါရီလ ၁၁ ရက် ထုတ်ပြန်ချက်အရ “ဝ”
အထူးဒေသအတွင်း COVID-19 လူနာ ၁၅၃ ဦးသာ ရှိခဲ့ရာမှ ဇန်နဝါရီလ
၁၇ ရက်တွင် ၂၉၉ ဦးအထိ ရှိလာခြင်းဖြစ်ရာ ၆ ရက်အတွင်း လူနာသစ် ၁၄၆ ဦး ထပ်မံတွေ့ရှိခဲ့ခြင်း
ဖြစ်ကြောင်း သိရသည်။
.
ယင်း ထပ်မံတွေ့ရှိသည့် လူနာ ၁၄၆ ဦးမှာ မိုင်းပေါက်မြို့မှ
၁၃၂ ဦးနှင့် မိုင်းဖျန်မြို့မှ ၁၃ ဦး တို့ဖြစ်ကြောင်း သိရသည်။
.
လက်ရှိတွင် “ဝ” ဒေသ တစ်ခုလုံး၌ COVID-19 အတည်ပြုလူနာ ၂၉၉ ဦး တွေ့ရှိထားပြီး ဌာနချုပ် ပန်ခမ်းမြို့တွင် ၃၅ ဦး၊ မိုင်းပေါက်တွင်
၂၃၅ ဦး၊ ဟိုတောင်းတွင် ၈ ဦး၊ မိုင်းဖျန်တွင် ၂၁ ဦးတို့ဖြစ်ကြောင်း ဒေသဆိုင်ရာ COVID-19
ရောဂါ ကာကွယ်ထိန်းချုပ်ရေးအဖွဲ့၏ ထုတ်ပြန်ချက်တွင် ဖော်ပြထားသည်။
.
အဆိုပါ လူနာများအနက် ပန်ခမ်းမှ ၂၅ ဦး၊ မိုင်းပေါက်မှ
၂၀ ဦးတို့မှ ရောဂါ သက်သာပျောက်ကင်း၍ ဆေးရုံမှ ဆင်းခွင့် ရပြီဖြစ်ကာ သေဆုံးလူနာမရှိကြောင်းနှင့်
ဇန်နဝါရီလ ၁၇ ရက်အထိ “ဝ” ဒေသတစ်ခုလုံးတွင် ဓါတ်ခွဲနမူနာ ၂၆၀၀၀၀ ခန့်ကို စစ်ဆေးခဲ့ပြီးဖြစ်ကြောင်း
သိရသည်။
.
“ဝ” အထူးဒေသရှိ UWSA ဌာနချုပ်
တည်ရှိရာ ပန်ခမ်းမြို့အား Lockdown ပြုလုပ်ထားမှုကို ဇန်နဝါရီလ
၁၃ ရက်အထိ တိုးမြှင့်ထားကြောင်း ဇန်နဝါရီလ ၁၃ ရက်က “ဝ” ဒေသဆိုင်ရာ ကြေညာချက် ထုတ်ပြန်ထားသည်။
.
UWSA “ဝ” အထူးဒေသနှင့် ကပ်လျက်တည်ရှိနေသော အထူးဒေသ
(၄) မိုင်းလားတွင်မူ လာမည့် ဇန်နဝါရီလ ၂၁ ရက်၌ Lockdown ကန့်သတ်ထားမှုကို
ပြန်လည်ဖြေလျှော့မည်ဖြစ်ကြောင်းနှင့် တရုတ်နယ်စပ်ဂိတ်ကို ပြန်လည်ဖွင့်လှစ်ပေး မည်ဖြစ်ကြောင်း
အထူးဒေသ (၄) က ကြေညာထားသည်။
.
