ဓမ္မစကူးလ်ညီလာခံ ကျင်းပရာ ဗောဓိကွင်းအား တောင်ကြီးမြို့နေ အလှူရှင်တစ်ဦးမှ ပြုပြင်ပေး - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Thursday, January 14, 2021

ဓမ္မစကူးလ်ညီလာခံ ကျင်းပရာ ဗောဓိကွင်းအား တောင်ကြီးမြို့နေ အလှူရှင်တစ်ဦးမှ ပြုပြင်ပေး

အောင်ဆန်းဝင်း

.

ဓမ္မစကူးလ်ညီလာခံများ ကျင်းပပြုလုပ်ရာ တောင်ကြီးမြို့၊ ကံသာရပ်ကွက်ရှိ ဗောဓိကွင်းအား တောင်ကြီးမြို့နေ အလှူရှင် တစ်ဦးမှ ၎င်းတစ်ဦးတည်း လှူဒါန်းမှုဖြင့် ပြုပြင်ပေးလျက်ရှိကြောင်း သိရသည်။

.

.

အဆိုပါ ဗောဓိကွင်း၏ တစ်ခြမ်းစောင်းဖြစ်နေသည့် မြေသားများအား စက်ယန္တရားများဖြင့် မြေညှိခြင်း ဆောင်ရွက်လျက် ရှိပြီး ကွင်းပြင်တစ်ခုလုံးကို ကွန်ကရစ် ခင်းပေးသွားမည်ဖြစ်ကြောင်း သိရသည်။

.

ဓမ္မစကူးလ် ညီလာခံအခမ်းအနားများ ကျင်းပရာတွင် ယင်းဗောဓိကွင်းအား အသုံးပြုနေခြင်းဖြစ်ပြီး အခမ်းအနား ပြန်လည် ကျင်းပပြုလုပ်ခွင့်ရသည့်အချိန်တွင် အဆင်ပြေစေရန်အတွက် ယင်းကဲ့သို့ လှူဒါန်းရခြင်းဖြစ်ကြောင်း သိရသည်။

.

“အလှူရှင် တစ်ဦးတည်း လာပြီးလှူဒါန်းပေးတာပါ။ ကွင်းက တစ်ခြမ်းစောင်းဖြစ်နေတော့ ဓမ္မစကူးလ်အခမ်းအနား တွေ လုပ်တဲ့အချိန် အဆင်မပြေဘူးပေါ့။ အခုလို ပြင်ပေးလိုက်တော့ အားလုံးအတွက် အဆင်ပြေသွားတာပေါ့” ဟု ဗောဓိကွင်း ပြုပြင်ရေးလုပ်ငန်းတွင် လာရောက်ကူညီဆောင်ရွက်ပေးနေသည့် ချမ်းသာရပ်ကွက် အုပ်ချုပ်ရေးမှူး ဦးခင်ဇော်က ကမ္ဘောဇတိုင်းသို့ ပြောသည်။

.

ဗောဓိကွင်းအား ပြုပြင်ရာတွင် ကွင်းအရှေ့အနောက် ၁၃၀ ပေ၊ တောင်မြောက် ပေ ၇၀ ကွန်ကရစ်ခင်းခြင်း၊ အပြင် ကွင်းပတ်လည်တွင် အားကစားပြုလုပ်သည့် ပစ္စည်းများ၊ လမ်းလျှောက်မြက်ခင်းများ၊ ပန်းခြံများကို ပြုလုပ်ထားရှိပေး သွားမည်ဖြစ်ကြောင်း သိရသည်။

.

No comments:

Post a Comment

Journal Download

Photo of three cats