စုလှိုင်
.
တောင်ကြီးမြို့နယ်၊
ရွှေညောင်-ရပ်စောက်သွားလမ်း၊ ဟဲကယ်တိုးဂိတ်အနီး၌ ယမန်နေ့က ဗုံးသီးဟောင်း
တစ်လုံးကို ဒေသခံ ၂ ဦးမှ တွေ့ရှိခဲ့သဖြင့် ယနေ့ ဇန်နဝါရီလ ၆ ရက်တွင် အေးသာယာမြို့၊
အမှတ် (၁၂) ရပ်ကွက် အုပ်ချုပ်ရေးမှူးရုံးသို့ အပ်နှံခဲ့ကြောင်း သိရသည်။
.
“နေ့လယ်
၁၂ နာရီလောက်က လာအပ်တာ။ အမျိုးသား ၂ ယောက်ပါ။ ဟဲကယ်ဘက်ကနေ ကောက်လာတယ်လို့ သိရတယ်”
ဟု အေးသာယာမြို့၊ အမှတ် (၁၂) ရပ်ကွက် အုပ်ချုပ်ရေးမှူး ဦးကိုကိုမောင်က
ကမ္ဘောဇတိုင်းသို့ ပြောသည်။
.
အေးသာယာမြို့၊
အမှတ် (၁၂) ရပ်ကွက်နေ အမျိုးသား ၂ ဦးသည် ဇန်နဝါရီလ ၅ ရက်က ရွှေညောင်-ရပ်စောက်သွား
ကားလမ်းမပေါ်ရှိ ဟဲကယ်တိုးဂိတ် အနီး လမ်းဘေးခြုံ အတွင်း အပေါ့သွားရာမှ ဗုံးသီးအား
တွေ့ရှိကာ နေအိမ်သို့ ယူဆောင်ခဲ့ပြီးနောက် ယနေ့ ဇန်နဝါရီလ ၆ ရက်တွင် အေးသာယာမြို့၊
အမှတ် (၁၂) ရပ်ကွက်အုပ်ချုပ်ရေးမှူးရုံးသို့ လာရောက် အပ်နှံခဲ့ခြင်း ဖြစ်ကြောင်း
သိရသည်။
.
အဆိုပါ
ဗုံးသီးတွေ့ရှိမှုနှင့် ပတ်သက်၍ အေးသာယာနယ်မြေရဲစခန်းမှူးအား ကမ္ဘောဇတိုင်းမှ
ဆက်သွယ်မေးမြန်းရာတွင် “ဗုံးတွေ့တာ ဟုတ်ပါတယ်။ ဟဲကယ်ဘက်က တွေ့တာပါ။ တပ်က
လာစစ်နေလို့ နောက်မှ ပြန်ဆက်လိုက်ပါမယ်” ဟု ပြန်လည် ဖြေကြားခဲ့သည်။
.
ယင်း
တွေ့ရှိခဲ့သော ဗုံးသီးမှာ 3
IN Mor HEFZD (UK) အမျိုးအစား ၃ လက်မ ခွင်းဗုံး အမျိုးအစား ဖြစ်ပြီး
အမှတ် (၆၄၆) စစ်လက်နက်ပစ္စည်းတပ်ခွဲသို့ အပ်နှံသွားမည် ဖြစ်ကြောင်း သိရသည်။
.
