တောင်ကြီးမြို့၊ ကံရှေ့ရပ်ကွက်ရှိ ရွှေဇာမဏီရွှေဆိုင် လုယက်ခံရ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, January 8, 2021

တောင်ကြီးမြို့၊ ကံရှေ့ရပ်ကွက်ရှိ ရွှေဇာမဏီရွှေဆိုင် လုယက်ခံရ

ကိုစိုး၊ အောင်ဆန်းဝင်း

.

တောင်ကြီးမြို့၊ ကံရှေ့ရပ်ကွက်၊ ကုန်သည်လမ်းရှိ ရွှေဇာမဏီ ရွှေဆိုင်တွင် ယနေ့ နေ့လယ်ပိုင်းက ရွှေထည် လုယူ ခံရမှု ဖြစ်ပွားခဲ့ကြောင်း သိရသည်။

.

.

ရွှေဇာမဏီ ရွှေဆိုင်တွင် ဇန်နဝါရီလ ၈ ရက်၊ နေ့လယ် ၁၂ နာရီအချိန်ခန့်က အသက် ၃၀ ခန့်အရွယ်ရှိ အမျိုးသားတစ်ဦးမှ ရွှေဝယ်ဟန်ပြု၍ ၂ ကျပ်သား ရွှေလက်စွပ်တစ်ကွင်းအား လုယူထွက်ပြေးသွားခဲ့ခြင်းဖြစ်ပြီး ရွှေဆိုင်မှ ရွှေလုပ်ငန်းရှင်များအသင်းနှင့် တောင်ကြီးမြို့မရဲစခန်းတို့သို့ အကြောင်းကြားကာ အမှုဖွင့်လှစ်နိုင်ရေး ဆောင်ရွက်လျက်ရှိသည်ဟု သိရသည်။

.

“ဝယ်ရင်းနဲ့ လုသွားတာပါ။ အခုတော့ အမှုဖွင့်ဖို့ လုပ်နေပါပြီ။ ကျူးလွန်သူကိုတော့ မမိသေးပါဘူး။ စုံစမ်းနေတုန်းပါပဲ” ဟု တောင်ကြီးမြို့မရဲစခန်းမှူး ဒုရဲမှူး ထက်နိုင်ဟိန်းက ကမ္ဘောဇတိုင်းသို့ ပြောသည်။

.

အလားတူ ပြီးခဲ့သည့် ၂၀၂၀ ပြည့်နှစ်၊ နိုဝင်ဘာလ ၈ ရက်ကလည်း တောင်ကြီးမြို့၊ ကံရှေ့ရပ်ကွက်၊ ရေထွက်ဦးလမ်းရှိ လုံဝမ်ရွှေဆိုင်တွင် ငွေကျပ် ၂၃ သိန်းခန့် တန်ဖိုးရှိ ရွှေထည်ပစ္စည်းများ လုယူထွက်ပြေးမှု ဖြစ်ပွားခဲ့ဖူးကြောင်း သိရသည်။

.



No comments:

Post a Comment

Journal Download

Photo of three cats