မိုင်းပန်-နောင်လုံသွား ကျောက်ချောလမ်းအား ကတ္တရာခင်း

စိုင်းမျိုးသန့် (မောက်မယ်)

.

လင်းခေးခရိုင်၊ မိုင်းပန်မြို့နယ်၊ မိုင်းပန်မြို့မှ နောင်ဟီးကျေးရွာအုပ်စု၊ နောင်လုံကျေးရွာသို့ ဆက်သွယ်ထားသည့် ကျောက်ချောလမ်း အရှည် ၂ မိုင်အား ကတ္တရာလမ်းအဖြစ် ဆောင်ရွက်လျက်ရှိကြောင်း သိရသည်။

.

.

အဆိုပါလမ်းကို နယ်စပ်ရေးရာ၀န်ကြီးဌာန၊ နယ်စပ်ဒေသနှင့်တိုင်းရင်းသားလူမျိုးများဖွံ့ဖြိုး တိုးတက်ရေးဦးစီးဌာနမှ ၂၀၂၀-၂၀၂၁ ဘဏ္ဍာရေးနှစ်အတွင်း ပြည်ထောင်စုရန်ပုံငွေဖြင့်  ဆောင်ရွက်နေခြင်း ဖြစ်ပြီး မိုင်းပန်မြို့နယ်အတွင်း ဒေသဖွံ့ဖြိုးရေးနှင့်လမ်းပန်းဆက်သွယ်ရေးတွင် အရေးပါ သော မိုင်းပန်−နောင်လေ−မိုက်ပုတ်(ပန်ပိ)− ဝမ်မုတ်−ပန်တဝိ−ဝမ်မတ် ၃၆ မိုင်ရှည်လျားသော လမ်း၏အစိတ်အပိုင်းလည်းဖြစ်ကြောင်း သိရသည်။

.

ထိုကဲ့သို့ ကတ္တရာလမ်း ၂ မိုင် ဆောင်ရွက်ပေးခြင်းဖြင့် မိုင်းပန်မြို့နယ်နှင့် တစ်ဆက်တည်း တည်ရှိသော ညောင်ခမ်း၊ နောင်လုံ၊ နောင်လွန်းကျေးရွာများမှ ဒေသခံပြည်သူများအတွက် လမ်းပန်း ဆက်သွယ်ရေး လျှင်မြန်လွယ်ကူစေပြီး ဒေသဖွံ့ဖြိုးရေးအတွက် အကျိုးကျေးဇူးများရရှိလာမည် ဖြစ်ကြောင်းသိရသည်။

.