□ မိုင်းထွန်း
.
ကျောက်မဲမြို့နယ်၊ တော့ဆန်ကျေးရွာအုပ်စု၊ ညောင်မောင်းရွာနေ အမျိုးသား တစ်ဦးသည် ယမန်နေ့ ဇန်နဝါရီလ ၂၆ ရက်၊ ညနေပိုင်းက မိုင်းနင်းမိခဲ့သဖြင့် ထိခိုက်ဒဏ်ရာ ရရှိခဲ့ပြီး ကျောက်မဲခရိုင် ပြည်သူ့ဆေးရုံ၌ ဆေးကုသမှု ခံယူနေကြောင်း သိရသည်။
.
ညောင်မောင်းကျေးရွာနေ စိုင်းသိန်းအောင်သည် ကျေးရွာ၏ အရှေ့ဘက် ၃ မိုင်ခန့်အကွာ လျှိုအတွင်း၌ မြင်း သွားရောက်ရှာဖွေစဉ် ထောင်ထားသော မိုင်းအားနင်းမိခဲ့ခြင်းကြောင့် ယာဘက်တင်ပါး၊ ယာဘက်ပေါင် နှင့် ယာဘက်ဒူးခေါင်းတို့တွင် မိုင်းစထိမှန် (မစိုးရိမ်ရ) ဒဏ်ရာ ရရှိခဲ့ခြင်း ဖြစ်ကြောင်း သိရသည်။
.
အဆိုပါ မိုင်းထိလူနာအား ကျောက်မဲမြို့ နမ့်ခုံး(ရှမ်းများပရဟိတ)အသင်းမှ လူနာတင်ယာဉ်ဖြင့် ကျောက်မဲခရိုင်ပြည်သူ့ဆေးရုံကြီးသို့ ပို့ဆောင်ကာ ဆေးကုသမှု ပေးနေကြောင်း သိရသည်။
