မိုင်းတုံမြို့နယ်တွင် မူးယစ်ဆေးဝါး ရောင်းဝယ်သူ အမျိုးသားကို ဖမ်းမိ - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, January 1, 2021

မိုင်းတုံမြို့နယ်တွင် မူးယစ်ဆေးဝါး ရောင်းဝယ်သူ အမျိုးသားကို ဖမ်းမိ

မင်းဇော်မင်း

.

မိုင်းတုံမြို့နယ်၊ မဲကင်ကျေးရွာတွင် မူးယစ်ဆေးဝါး ရောင်းဝယ်သူ အမျိုးသားကို ပူးပေါင်းအဖွဲ့က ဇန်နဝါရီလ ၁ ရက်နံနက်တွင် ဖမ်းဆီးရမိခဲ့ကြောင်း မိုင်းတုံမြို့မရဲစခန်းမှ သိရသည်။

.


မူးယစ်တပ်ဖွဲ့စု(၂၉)နှင့် မိုင်းတုံမြို့မရဲစခန်းမှ နယ်ထိန်းအဖွဲ့သည် သက်သေများနှင့်အတူ မဲကင်ကျေးရွာနေ ကျော်ဝင်း ၏ နေအိမ်သို့ ဝင်ရောက်ရှာဖွေရာ ၎င်းကိုင်ဆောင်သည့် ပိုက်ဆံအိတ်အတွင်းမှ WY စိတ်ကြွဆေးပြား ၆၀၀ ပြားနှင့် ကော်ဗူးငယ် ၆ ဘူးအတွင်းမှ ဘိန်းဖြူ ၀ ဒသမ ၆ ဂရမ်ခန့်ကို ရှာဖွေသိမ်းဆည်းရမိခဲ့ခြင်း ဖြစ်ကြောင်း သိရသည်။

.

မူးယစ်ဆေးဝါးများကို တဆင့်ဝယ်ယူ၍ ပြန်လည်ရောင်းချခြင်း ဖြစ်ပြီး ယခု ဖမ်းဆီးရမိ မူးယစ်ဆေးဝါးများမှာ ရောင်းဝယ်ရာ လက်ကျန်များ ဖြစ်ကြောင်း သိရသည်။

.

အဆိုပါ အမှုမှ မူးယစ်ဆေးဝါးများအား ဝယ်ယူရောင်းချလက်ဝယ်တွေ့ရှိသူ ကျော်ဝင်းအား မိုင်းတုံမြို့မရဲစခန်းမှ မယ(ပ) ၁/၂၀၂၁ မူး/စိတ်ဥပဒေပုဒ်မ ၁၉(က) ဖြင့် အမှုဖွင့် အရေးယူထားကြောင်း သိရသည်။

No comments:

Post a Comment

Journal Download

Photo of three cats