အေးသာယာနာရီစင်အား ပြန်လည်ပြင်ဆင် - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Wednesday, January 6, 2021

အေးသာယာနာရီစင်အား ပြန်လည်ပြင်ဆင်

စုလှိုင်

.

တောင်ကြီးမြို့နယ်၊ အေးသာယာမြို့ရှိ နာရီစင်အား ယနေ့ ဇန်နဝါရီလ ၆ ရက်မှ စတင်၍ ပြန်လည်ပြင်ဆင်မွမ်းမံလျက် ရှိကြောင်း အေးသာယာမြို့ အုပ်ချုပ်ရေးမှူးရုံးမှ သိရသည်။

.

.

“နာရီစင်ပြင်တာကတော့ အခု ဆောင်ရွက်နေပါပြီ။ လက်ရှိလုပ်ငန်းက နာရီစင်ကြီးကို ကွယ်နေတဲ့ သစ်ပင်တွေကို ဖယ်ရှားတာတို့၊ ဆေးသုတ်တာတို့ လုပ်မှာပေါ့” ဟု အေးသာယာမြို့ အုပ်ချုပ်ရေးမှူး ဦးအောင်သူရ က ကမ္ဘောဇတိုင်း သို့ ပြောသည်။

.

ထို့အပြင် အဆိုပါ နာရီစင်အနီးတွင် အေးသာယာမြို့တော်ခန်းမ တည်ဆောက်ရန် စီစဉ်ဆောင်ရွက်လျက်ရှိပြီး အေးသာယာမြို့ အားကစားကွင်း တည်ဆောက်ရန်အတွက်လည်း မြေနေရာ ရှာဖွေလျက်ရှိကြောင်း သိရသည်။

.

“အားကစားကွင်းဆိုတော့ မြေနေရာ အများကြီးလိုတယ်။ ရှာနေတုန်းပဲ။ မြို့တော်ခန်းမ ကတော့ နာရီစင်အနီး တစ်ဝိုက်မှာပဲ ဆောက်မှာပါ” ဟု ဦးအောင်သူရ က ဆက်လက်ပြောဆိုခဲ့သည်။

.

အေးသာယာမြို့သည် တောင်ကြီးမြို့နယ်အတွင်းရှိ မြို့တစ်မြို့ဖြစ်ပြီး ရပ်ကွက် ၁၂ ရပ်ကွက် ရှိကာ အဝေးပြေး ယာဉ်ရပ်နားစခန်း၊ စက်မှုဇုန်၊ နည်းပညာတက္ကသိုလ် (တောင်ကြီး) တို့သည် အေးသာယာမြို့တွင် တည်ရှိကာ မြို့တော် တောင်ကြီး၏ ဝင်ထွက်ပေါက် မြို့တစ်မြို့ဖြစ်ကြောင်း သိရသည်။

.


No comments:

Post a Comment

Journal Download

Photo of three cats