အေးသာယာတွင် ပြုလုပ်မည့် တပ်မတော်ထောက်ခံပွဲနှင့် ပတ်သက်၍ ဒေသခံများ၏ သဘောထား မပါဝင်ကြောင်း ရှင်းလင်း - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

အေးသာယာတွင် ပြုလုပ်မည့် တပ်မတော်ထောက်ခံပွဲနှင့် ပတ်သက်၍ ဒေသခံများ၏ သဘောထား မပါဝင်ကြောင်း ရှင်းလင်း

အောင်ဆန်းဝင်း၊ စုလှိုင်

.

တောင်ကြီးမြို့နယ်၊ အေးသာယာမြို့တွင် လာမည့် ဇန်နဝါရီလ ၂၂ ရက်၌ ပြုလုပ်မည့် တပ်မတော်ထောက်ခံပွဲနှင့် ပတ် သက်၍ ဒေသခံများက ၎င်းတို့၏ သဘောထားဆန္ဒ ပါဝင်ခြင်းမရှိကြောင်း ယနေ့ ဇန်နဝါရီလ ၂၁ ရက်တွင် မီဒီယာများ သို့ တွေ့ဆုံရှင်းလင်း ပြောကြားခဲ့သည်ဟု သိရသည်။

.

.

“ကျွန်မတို့က မထောက်ခံဘူး။ တပ်မတော်ဆိုတာ ထောက်ခံရမယ့် အဖွဲ့အစည်းလည်း မဟုတ်ဘူး။ သူတို့က နိုင်ငံရေး ပါတီမှ မဟုတ်တာ။ အဲဒီလိုပွဲလုပ်တာ ကျွန်မတို့ မကြိုက်ပါဘူး။ ဒေသခံတွေလည်း ပါမယ်မထင်ဘူး” ဟု အေးသာယာ မြို့၊ အမှတ် (၄) ရပ်ကွက်နေ မမူယာဝင်းက ပြောသည်။

.

ထို့အတူ နန်းဟူးကျေးရွာနေ ခွန်ထွန်းထွန်းလေး ကလည်း “တိုင်းရင်းသားတွေက ဘယ်နေရာသွားသွား ပါနေတယ်။ တချို့ကျတော့ ကျေးရွာအုပ်ချုပ်ရေးမှူးအမိန့်၊ ဒါမှမဟုတ် အာဏာရှိတဲ့လူတွေရဲ့ အမိန့်နဲ့ပါ။ တပ်မတော်က ပြည်သူ လူထုတွေကို ကာကွယ်ရမှာ။ ပြည်သူက ထောက်ခံစရာ မလိုဘူး။ ကိုယ့်ဆန္ဒ ဘယ်လိုရှိသလဲ အမှားအမှန် ခွဲခြားတတ် အောင်လို့ပါ။ အာဏာရှိတဲ့သူတွေ ခိုင်းလို့ သွားရတာမျိုး မဖြစ်စေချင်ပါဘူး” ဟု ပြောဆိုခဲ့သည်။

.

အမျိုးသားဒီမိုကရေစီအင်အားစုပါတီ (NDF) မှ ဦးသန်းအောင်နှင့် အမျိုးသားလုံခြုံရေးလူမှုကွန်ရက်ဗဟို (NSS) မှ ဦးမြငြိမ်း၊ အမျိုးသားနိုင်ငံရေးဒီမိုကရက်တစ်ပါတီ (DNP) မှ ဒေါ်ညွန့်စိန် တို့ ဦးဆောင်၍ လာမည့် ဇန်နဝါရီလ ၂၂ ရက်တွင် တောင်ကြီးမြို့နယ်၊ အေးသာယာမြို့၌ တပ်မတော်ထောက်ခံပွဲ ပြုလုပ်ရန် စီစဉ်ဆောင်ရွက်နေခြင်းဖြစ် ကြောင်း သိရသည်။

.

“တိုင်းရင်းသားတွေက နိုင်ငံရေး ဘာမှနားမလည်ဘူး။ သူကြီးက ဘယ်သူမသွားရဘူး၊ ဘယ်သူသွားရမယ်။ မသွားတဲ့သူ ဒဏ်ရိုက်မယ် ဆိုပြီး အနိုင်ကျင့်သွားခိုင်းတာပေါ့။ အဲဒါကြောင့် ဒီလိုထောက်ခံပွဲကို လုံးဝ အလိုမရှိတာပါ” ဟု အေးသာယာမြို့၊ အမှတ် (၁) ရပ်ကွက်နေ ခွန်ဆွေဝင်း ကလည်း ၎င်း၏အမြင်ကို ပြောဆိုခဲ့သည်။

.

ဆန္ဒဖော်ထုတ်သူများသည် တောင်ကြီးမြို့နယ်၊ အေးသာမြို့အဝင် မုခ်ဦးမှ နောင်အင်ဘောလုံးကွင်းအထိ ချီတက် ဆန္ဒဖော်ထုတ်ပြီး နောင်အင်ဘောလုံးကွင်းအတွင်း ၂၀၂၀ ရွေးကောက်ပွဲ မဲမသမာမှုများတွင် တပ်မတော်မှ စိစစ် ဆောင်ရွက်နေမှုများအား ထောက်ခံကြောင်းနှင့် နိုင်ငံတော်ဖွဲ့စည်းပုံအခြေခံဥပဒေမှ ပေးအပ်ထားသော တာဝန်များကို ပြတ်သားတိကျစွာ ဆောင်ရွက် ပေးရေးတို့ကို ဆွေးနွေးဟောပြောသွားမည်ဖြစ်ကြောင်း သိရသည်။

.

Journal Download

Photo of three cats