ခွန်သန်းအောင်
.
ကလောမြို့နယ်၊ အောင်ပန်းမြို့၊ သာမိုင်းခမ်းကျေးရွာအနီးတွင်
ယနေ့ ဇန်နဝါရီလ ၈ ရက်က အမျိုးသားတစ်ဦး ကြိုးဆွဲချ သေဆုံးမှု ဖြစ်ပွားခဲ့ကြောင်း သိရသည်။
.
သာမိုင်းခမ်းကျေးရွာ၏ အနောက်ဘက် တစ်မိုင်ခွဲခန့်
အကွာရှိ ယာကွက်ထောင့်မှ ပင်စိမ်းပင် အကိုင်းတွင် အောင်ပန်းမြို့၊ လက်မပင်ရပ်ကွက်နေ
အောင်ဇော်လင်း (ခ) ဖိုးပြဲ (၄၇ နှစ်) သည် နိုင်လွန်ကြိုးဖြင့် လည်ပင်းတွင် ချည်နှောင်ကာ
ကြိုးဆွဲချစဉ် ကြိုးပြတ်ပြီး မြေပြင်တွင် ပြုတ်ကျသေဆုံး နေခြင်းဖြစ်ကြောင်း သိရသည်။
.
သေဆုံးသူ အောင်ဇော်လင်း (ခ) ဖိုးပြဲသည် အရက်အလွန်အကျွံသောက်သုံးကာ
အရက်စွဲပြီး လျှောက်သွားနေသူတစ်ဦး ဖြစ်ကြောင်း ရဲမှတ်တမ်းများအရ သိရသည်။
.
အဆိုပါ အောင်ဇော်လင်း သေဆုံးမှုနှင့် ပတ်သက်၍ ဓမ္မတာအတိုင်းသေဆုံးခြင်းဟုတ်/မဟုတ်
သိရှိနိုင်ရန် အောင်ပန်း နယ်မြေရဲစခန်းတွင် သေမှုသေခင်းအမှတ်စဉ် (၁/၂၀၂၁) ဖြင့် အမှုဖွင့်စစ်ဆေးဆောင်ရွက်လျက်ရှိကြောင်း
သိရသည်။
.
