ရွာငံမြို့နယ်၊ ဆင်နက်ချောင်းကျေးရွာ၌ တပ်မတော်မှ လှူဒါန်းသော စာကြည့်တိုက်သစ် လွှဲပြောင်းပေးအပ် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ရွာငံမြို့နယ်၊ ဆင်နက်ချောင်းကျေးရွာ၌ တပ်မတော်မှ လှူဒါန်းသော စာကြည့်တိုက်သစ် လွှဲပြောင်းပေးအပ်

ကမ္ဘောဇတိုင်း

.

ဓနုကိုယ်ပိုင်အုပ်ချုပ်ခွင့်ရဒေသ၊ ရွာငံမြို့နယ်၊ ဆင်နက်ချောင်းကျေးရွာတွင် တပ်မတော် (ကြည်း၊ ရေ၊ လေ) မိသားစု များမှ ဆောက်လုပ်လှူဒါန်းသည့် စာကြည့်တိုက်အား ဒီဇင်ဘာလ ၈ ရက်၊ နံနက်ပိုင်းက အဆိုပါကျေးရွာ၌ လွှဲပြောင်း ပေးအပ်ခဲ့ကြောင်း သိရသည်။

.

.

စာကြည့်တိုက် လွှဲပြောင်းပေးအပ်ပွဲတွင် အရှေ့ပိုင်းတိုင်းစစ်ဌာနချုပ်တိုင်းမှူး ဗိုလ်ချုပ်လင်းအောင်က စာကြည့်တိုက် သစ် ဆောက်လုပ်လှူဒါန်းရခြင်းနှင့်ပတ်သက်၍ အဖွင့်အမှာစကားပြောကြားပြီး စာကြည့်တိုက် လွှဲပြောင်းပေးမှု မှတ်တမ်းနှင့် စာကြည့်တိုက်အတွက် သုတ၊ရသ စာအုပ်စာစောင်များကို လွှဲပြောင်းပေးအပ်ရာ ကျေးရွာတာဝန်ရှိသူ များက လက်ခံရယူပြီး ကျေးရွာအုပ်ချုပ်ရေးမှူးက ကျေးဇူးတင်စကားပြန်လည်ပြောကြားခဲ့ကြောင်း သိရသည်။

.

အဆိုပါ ဆင်နက်ချောင်းကျေးရွာတွင် တပ်မတော်(ကြည်း၊ရေ၊ လေ)မိသားစုများမှ ငွေကျပ် ၃၆၈ သိန်း တန်ဖိုးရှိ အလျား ၅၅ ပေ၊ အနံ ပေ ၃၀ ရှိ စာကြည့်တိုက်တစ်လုံး၊ ငွေကျပ် ၂၉၉ သိန်းတန်ဖိုးရှိ အမှိုက်သယ်ယာဉ် ၁ စီးနှင့် ငွေကျပ်သိန်း ၁၆၀ ကျော်တန်ဖိုးရှိ KVA ထရန်စဖော်မာ ၁ လုံးတို့ကို ပေးအပ်လှူဒါန်းခဲ့ပြီး ကျေးရွာဘောလုံးအားကစားကွင်းအား ပေးအပ်လှူဒါန်းနိုင်ရေး ဆက်လက်ဆောင်ရွက်လျက်ရှိကြောင်း သိရသည်။

.

Source - တပ်မ​တော်ကာကွယ်​ရေးဦးစီးချုပ်ရုံး

.


Journal Download

Photo of three cats