လားရှိုးမြို့ ရှိ We love LASHIO ဆိုင်းဘုတ် ၈ ကြိမ်မြောက် ဖျက်ဆီးခံရ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

လားရှိုးမြို့ ရှိ We love LASHIO ဆိုင်းဘုတ် ၈ ကြိမ်မြောက် ဖျက်ဆီးခံရ

လားရှိုးမြို့ရှိ We Love LASHIO ဆိုင်းဘုတ်မှာ ဒီဇင်ဘာလ  ၂၂ ရက်က ထပ်မံ ဖျက်ဆီး ခံခဲ့ရပြီး ယင်းကဲ့သို့ ဖျက်ဆီးခံရခြင်းမှာ ၈ ကြိမ်​မြောက် ရှိပြီဖြစ်ကြောင်း သိရသည်။ 

.

" ၈ ကြိမ်မြောက်အဖျက်ဆီးခံရတာ ဟုတ်ပါတယ်။ ကျူးလွန်သူကို မမိသေးပါဘူး။ CCTV မှာပဲ ​တွေ့သေးတာ။ ရဲကို အပ်ထားတုန်း။ ဖမ်းမိမှ ပြည်သူပိုင် ပစ္စည်းဖျက်ဆီးမှုနဲ့ တရား စွဲရမှာပေါ့။ အများပိုင်ပစ္စည်း အလှလုပ်တဲ့ဟာကို မဖျက်ဆီးစေချင်ဘူး။”ဟု လားရှိုးမြို့နယ် စည်ပင်သာယာရေးဌာန အမှုဆောင်အရာရှိ ဦးကျော်ဇင်က ကမ္ဘောဇတိုင်းသို့ ပြောသည်။ 

.

ယင်း We Love LASHIO ဆိုင်းဘုတ်ကို လားရှိုးမြို့ ရန်ကြီး​အောင်ဘုရား အနီးတွင် စည်ပင်သာယာ​ရေးဌာနက လုပ်​ဆောင်ထားခြင်း ဖြစ်​ကြောင်း သိရသည်။

.

လားရှိုးမြို့သည် ရှမ်းပြည်နယ်မြောက်ပိုင်း၏ မြို့တော်ဖြစ်သည့် အပြင် လက်ရှိ ရှမ်းပြည်နယ်ဝန်ကြီးချုပ်၏ မဲဆန္ဒနယ်လည်း ဖြစ်သည်။

Journal Download

Photo of three cats