ညောင်ရွှေမြို့နယ်၊ စံကားကျေးရွာကို Tourism Village အဖြစ် ဖော်ဆောင်မည်

ကမ္ဘောဇတိုင်း

.

ညောင်ရွှေမြို့နယ်၊ စံကားကျေးရွာကို Tourism Village အဖြစ် ဖော်ဆောင်သွားမည်ဖြစ်ကြောင်း ရှမ်းပြည်နယ်အစိုးရ အဖွဲ့ဝင် ပြည်နယ်စီမံကိန်းနှင့် ဘဏ္ဍာရေးဝန်ကြီး ဦးစိုးညွန့်လွင်က ၎င်း၏ လူမှုကွန်ရက် Facebook မှတစ်ဆင့် ပြောဆိုခဲ့သည်။

.

.

စံကားကျေးရွာသည် ယခင်က စော်ဘွားမြို့တစ်မြို့ဖြစ်ပြီး ယဉ်ကျေးမှု အမွေအနှစ်များ၊ ဒေသထွက်ကုန်များ ပေါများကာ နိုင်ငံခြား ခရီးသွားဧည့်သည်များ စိတ်ဝင်စားသည့် CBT ကျေးရွာအဖြစ် ဖော်ဆောင်ထားပြီးဖြစ်ကြောင်း သိရသည်။

.

ထို့အပြင် စံကားကျေးရွာတွင် နှစ်ပေါင်း ၂၅၀ ကျော် သက်တမ်းရှိ စကားပင်များ တည်ရှိနေပြီး အမှိုက်ကင်းစင်၊ မူးယစ် ကင်းစင်သည့် ကျေးရွာတစ်ရွာအဖြစ် ဖော်ဆောင်သွားမည်ဖြစ်ကာ e-Library လည်း ဖော်ဆောင်သွားရန် ရှိနေကြောင်း သိရသည်။

.

ယင်းကဲ့သို့ စံကားကျေးရွာအား Tourism Village အဖြစ် ဖော်ဆောင်နိုင်ရေးအတွက် ရှမ်းပြည်နယ်အစိုးရအဖွဲ့ဝင် ပြည်နယ်စီမံကိန်းနှင့် ဘဏ္ဍာရေးဝန်ကြီး ဦးစိုးညွန့်လွင်နှင့် ညောင်ရွှေမြို့နယ် ပြည်သူ့လွှတ်တော် ကိုယ်စားလှယ် ဦးနေမျိုးတို့သည် ဒီဇင်ဘာလ ၁၃ ရက်က ဒေသခံ CBT ကော်မတီဝင် ကျေးရွာသူ/သားများနှင့်အတူ သွားရောက် ကွင်းဆင်းကြည့်ရှု စစ်ဆေးခဲ့ကြောင်း သိရသည်။

.