တာလေမြို့၊ ပန်ချီဟတ်ကျေးရွာတွင် ရေခန်းခြောက်နေသည့်အတွက် စိမ့်စမ်းရေ သွယ်ယူမည် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

တာလေမြို့၊ ပန်ချီဟတ်ကျေးရွာတွင် ရေခန်းခြောက်နေသည့်အတွက် စိမ့်စမ်းရေ သွယ်ယူမည်

အောင်ကျော်မိုး (တာလေ)

.

တာချီလိတ်ခရိုင်၊ တာလေမြို့၊ နားယောင်းကျေးရွာအုပ်စုအတွင်းရှိ ကျေးရွာအချို့တွင် နွေကာလမတိုင်မီ ရေခန်းခြောက်ခြင်းနှင့် သောက်သုံးရေ ပြတ်လပ်ခြင်းများ ရှိနေသည့်အတွက် စိမ့်စမ်းရေ သွယ်ယူခြင်းလုပ်ငန်း ဆောင်ရွက်သွားမည်ဖြစ်ကြောင်း သိရသည်။

.

.

ယင်းကဲ့သို့ သောက်သုံးရေ ပြတ်လပ်မှု အခက်အခဲများ ဖြစ်ပေါ်နေသည့် ပန်ချီဟတ်ကျေးရွာတွင် လတ်တလော အဆင်ပြေစေရန်အတွက် ကျေးရွာအုပ်စု အုပ်ချုပ်ရေးမှူး ဦးဒေးဗစ်မှ ၂ လက်မပိုက် ၆၅ လုံးထောက်ပံ့ပေးပြီး ရေသွယ်ယူသွားမည်ဖြစ်ကြောင်း သိရသည်။

.

အဆိုပါ ပန်ချီဟတ်ကျေးရွာအတွက် ရေပိုက်သွယ်တန်းရန် အကွာအဝေး ၁/၄ မိုင်ရှိပြီး လာမည့်  ၂၀၂၁-၂၀၂၂  ဘဏ္ဍာနှစ်တွင် ပြင်ဆင်ထိန်းသိမ်း ကုန်ကျစရိတ်များ ခွင်ပြုချထားပေးနိုင်ရေးအတွက် မြို့နယ်ကျေးလက်ဒေသ ဖွံ့ဖြိုးတိုးတက်ရေးဦးစီးဌာနသို့ ဆက်လက်တင်ပြတောင်းခံသွားမည်ဖြစ်ကြောင်း ကျေးရွာအုပ်စု အုပ်ချုပ်ရေးမှူးထံမှ သိရသည်။

.

စိမ့်စမ်းရေ သွယ်ယူမည့်နေရာအား ဒီဇင်ဘာလ ၂၆ ရက်က ကျေးရွာအုပ်စု အုပ်ချုပ်ရေးမှူးနှင့် တာဝန်ရှိသူ များက ကွင်းဆင်းတိုင်တာ ဆောင်ရွက်ခဲ့သည်ဟု သိရသည်။

.


Journal Download

Photo of three cats