စုလှိုင်
.
ရှမ်းပြည်နယ်မြို့တော် တောင်ကြီးမြို့တွင် ဆိုင်ကယ် ၈ စီး ခိုးယူခဲ့သူကို
ဒီဇင်ဘာလ ၂၀ ရက်က ဖမ်းဆီးရမိခဲ့ပြီး အမှုဖွင့် အရေးယူ ဆောင်ရွက်လျက်ရှိကြောင်း တောင်ကြီးမြို့မရဲစခန်းမှ
သိရသည်။
.
“ဆိုင်ကယ် ၈ စီး ပေါ်တာပေါ့။ ၅ စီးကတော့ ပိုင်ရှင်တွေ လာသွားလို့ အမှုဖွင့်နေပြီ။
၃ စီးက ပိုင်ရှင် မလာဘူးဆိုရင် ကညနမှာ ပြန်ပြီး စိစစ်ရမှာပေါ့။ အဆုတ်ဆေးရုံနားမှာ ဖမ်းမိတာပါ။
ဆိုင်ကယ်တွေက ပွဲစားတန်းမှာ ရောင်းထားတာ တွေကို အကုန်ပြန်သိမ်းရတာပေါ့” ဟု တောင်ကြီးမြို့မရဲစခန်းမှ
နယ်ထိန်းခေါင်းဆောင် ဒုရဲအုပ် နေလင်းဦးက ကမ္ဘောဇတိုင်းသို့ ပြောသည်။
.
အဆိုပါ ဆိုင်ကယ်များ ခိုးယူသူ ကျော်စိုးလွင် (ခ) ကျော်စိုး ကို တောင်ကြီးမြို့မရဲစခန်းတွင်
ရာဇသတ်ကြီးဥပဒေပုဒ်မ ၃၇၉ ဖြင့် အမှုဖွင့်အရေးယူ ဆောင်ရွက်လျက်ရှိကြောင်း သိရသည်။
.
ထို့အပြင် ပျောက်ဆုံးသွားသည့် ဆိုင်ကယ်ပိုင်ရှင်များအနေဖြင့် အုံနာဘုတ်များ
ယူဆောင်ကာ တောင်ကြီးမြို့မရဲစခန်း တွင် လာရောက်တိုက်ဆိုင်စစ်ဆေးနိုင်ကြောင်း သိရသည်။
.
