ရွှေညောင်-ရပ်စောက်သွားလမ်းတွင် ကားနှင့်ဆိုင်ကယ် တိုက်မိ၍ ဆိုင်ကယ်မောင်းနှင်သူ သေဆုံးပြီး ၎င်းထံမှ စိတ်ကြွ ရူးသွပ်ဆေးပြားများ ဖမ်းမိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။

ရွှေညောင်-ရပ်စောက်သွားလမ်းတွင် ကားနှင့်ဆိုင်ကယ် တိုက်မိ၍ ဆိုင်ကယ်မောင်းနှင်သူ သေဆုံးပြီး ၎င်းထံမှ စိတ်ကြွ ရူးသွပ်ဆေးပြားများ ဖမ်းမိ

ကမ္ဘောဇတိုင်း

.

တောင်ကြီးမြို့နယ်၊ မိုင်းသော်အရှေ့ကျေးရွာအုပ်စု၊ ရွှေညောင်-ရပ်စောက်သွား ကားလမ်းပေါ်တွင် ဒီဇင်ဘာလ ၂ ရက်၊ ညနေပိုင်းက ကားနှင့် ဆိုင်ကယ် တိုက်မိ၍ ဆိုင်ကယ်မောင်းနှင်သူ သေဆုံးပြီး သေဆုံးသူထံမှ စိတ်ကြွရူးသွပ်ဆေးပြား ၁၀၀၀ အား ဖမ်းဆီးရမိခဲ့သည်ဟု သိရသည်။

.

.

ရပ်စောက်မြို့နယ်၊ ယမ်းတွင်းငါးကြောင်ကျေးရွာအုပ်စု၊ ပိန္နဲပင်ကျေးရွာနေ ကိုဦး (၃၀ နှစ်) သည် ဒီဇင်ဘာလ ၂ ရက်၊ ညနေ ၄ နာရီ ၁၅ မိနစ်ခန့်က ရွှေညောင်-ရပ်စောက် ကားလမ်းအတိုင်း JANSHE 125 အမျိုးအစား မော်တော်ဆိုင်ကယ် ဖြင့် မြောက်မှ တောင်သို့ မောင်းနှင်လာစဉ် တောင်နီကျေးရွာ၊ တောင်ဖီလာဘုရားအနီး၊ မိုင်တိုင်အမှတ် (၈/၄) နှင့် (၈/၅) အနီး အရောက်တွင် မျက်နှာချင်းဆိုင်မှ ရပ်စောက်မြို့နယ်၊ ယမ်းတွင်းငါးကြောင်ကျေးရွာအုပ်စု၊ ညောင်သုံးပင် ကျေးရွာနေ စိုးဝင်းထွန်း မောင်းနှင်လာသည့် Hijet အဖြူရောင်ယာဉ်အား ဝင်ရောက်တိုက်မိခဲ့ခြင်းဖြစ်ကြောင်း သိရသည်။

.

ယာဉ်တိုက်မှုကြောင့် ဆိုင်ကယ်မောင်းနှင်သူ ကိုဦးတွင် နောက်စေ့ကွဲရှဒဏ်ရာ၊ နဖူးထိပ် ညိုမဲဒဏ်ရာ၊ ယာမျက်ခုံး အပေါ် ညိုမဲဒဏ်ရာ၊ ဝဲမျက်လုံးအပေါ် ညိုမဲဒဏ်ရာ၊ ယာခါး ညိုမဲဒဏ်ရာ၊ ဝဲလက်ဖျံ ပွန်းဒဏ်ရာများ ရရှိပြီး အခင်းဖြစ် နေရာတွင် သေဆုံးခဲ့ကာ ၎င်း၏ ဘောင်းဘီအိတ်အတွင်းမှ စိတ်ကြွရူးသွပ်ဆေးပြား ၁၀၀၀ အား သိမ်းဆည်းရမိခဲ့ခြင်း ဖြစ်ကြောင်း သိရသည်။

.

အဆိုပါ ယာဉ်တိုက်မှုမှ ယာဉ်မဆင်မခြင် မောင်းနှင်ပြီး တစ်ဘက်ယာဉ်ကြောသို့ ‌ဝင်ရောက်တိုက်မိကာ မိမိကိုယ်ကို သေဆုံးစေသူ ဆိုင်ကယ်ယာဉ်မောင်း ကိုဦး အား ရွှေညောင်နယ်မြေရဲစခန်းတွင် ယာဉ် (ပ) ၃၉/၂၀၂၀၊ ရာဇသတ်ကြီးဥပဒေပုဒ်မ ၂၇၉/၃၀၄-က ဖြင့် အမှုဖွင့်အရေးယူ ဆောင်ရွက်ထားကြောင်း သိရသည်။

.

Journal Download

Photo of three cats