မေတ္တာဖောင်ဒေးရှင်း တောင်ကြီးရုံးခွဲမှ ကာလိမြို့ရှိ Quarantine ဝင် ပြည်သူများအတွက် စားနပ်ရိက္ခာများ လှူဒါန်း - Kanbawza Tai News

Breaking

ကမ္ဘောဇတိုင်းသတင်းဂျာနယ်သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (မြဲ-၀၁၀၇၉)ဖြင့် ဆောင်ရွက်နေသည့် တရားဝင် သတင်းမီဒီယာ တစ်ခု ဖြစ်ပါသည်။

Friday, December 11, 2020

မေတ္တာဖောင်ဒေးရှင်း တောင်ကြီးရုံးခွဲမှ ကာလိမြို့ရှိ Quarantine ဝင် ပြည်သူများအတွက် စားနပ်ရိက္ခာများ လှူဒါန်း

ဝင်းကျော် (ကာလိ)

.

လွိုင်လင်ခရိုင်၊ ကာလိမြို့ရှိ လွိုင်ချိုအမကကျောင်းနှင့် နမ့်ခုံးရှမ်းများပရဟိတ Quarantine Center များတွင် အသွားအလာ ကန့်သတ်စောင့်ကြည့်ထားသူများအား ယနေ့ ဒီဇင်ဘာလ ၁၁ ရက်၊ နေ့လယ်ပိုင်းက မေတ္တာ ဖောင်ဒေးရှင်း တောင်ကြီးရုံးခွဲ အဖွဲ့မှ စားနပ်ရိက္ခာများ သွားရောက်ထောက်ပံ့ လှူဒါန်းခဲ့သည်ဟု သိရသည်။

.

.

ထိုသို့ လှူဒါန်းရာတွင် တောင်ကြီးရုံးခွဲ မေတ္တာဖွံ့ဖြိုးရေးဖောင်ဒေးရှင်းမှ ဒေါ်နန်းခင်နန္ဒာစိုး နှင့် ဝန်ထမ်းများက ဆန်၊ ဆီ၊ ဆား၊ ကြာဇံ၊ ခေါက်ဆွဲ၊ ပဲနီလေး၊ ဘာလချောင်၊ ကြက်သွန်နီ ၊ အာလူး ၊ အသားတု၊ တဘက်၊ ဆပ်ပြာမှုန့်၊ ဆပ်ပြာခဲ၊ သွားတိုက်ဆေး၊ သွားတိုက်တံ၊ Spray ၊ လက်သည်းညှပ်၊ ခေါင်းလျှော်ရည်၊ လက်သန့်ဆေးရည် စသည့် ပစ္စည်း ၂၀ မျိုးကို အသွားအလာကန့်သတ် စောင့်ကြည့်ပြည်သူ ၃၀ ဦး အတွက် လာရောက်ထောက်ပံ့ပေးခဲ့ရာ ကာလိမြို့အထွေထွေအုပ်ချုပ်ရေးဦးစီးဌာနမှ မြို့အုပ်ချုပ်ရေးမှူး ဦးရဲမင်းထွန်းနှင့် ကျန်းမာရေးဝန်ထမ်းများက လက်ခံရယူခဲ့ကြောင်း သိရသည်။

.

ထို့နောက်  တောင်ကြီးရုံးခွဲ မေတ္တာဖွံ့ဖြိုးရေးဖောင်ဒေးရှင်းမှ ကာလိမြို့ Quarantine Center ၂ နေရာတွင်  လိုအပ် သည်များကို အသုံးပြုနိုင်ရန် အလှူငွေ ၁ သိန်းကျပ်လှူဒါန်းခဲ့ရာ  COVID-19 ရောဂါကာကွယ်ထိန်းချုပ်ရေး ကော်မတီ အဖွဲ့ဝင် မြို့အုပ်ချုပ်ရေးမှူး ဦးရဲမင်းထွန်း မှ လက်ခံရယူခဲ့ကြောင်း သိရသည်။

.


No comments:

Post a Comment

Journal Download

Photo of three cats

About